جرمنی سے پاکستان کے لیے بڑی خوشخبری آنے کو ہے

 (24 نیوز) فنانشل ایکشن ٹاسک فورس اجلاس میں پاکستان کا نام گرے لسٹ سے نکالنے کا فیصلہ ہوگیا۔ ایف اے ٹی ایف سربراہ کی طرف سے پریس کانفرنس میں فیصلے کا اعلان آج ہوگا۔

ذرائع کے مطابق پاکستانی وفد کی قیادت وزیر مملکت خارجہ حنا ربانی کھر کر رہی ہیں۔ پاکستان نے اس بار سفارتی سطح پر ممبر ممالک کے سامنے غیر رسمی طور پر اپنی پوزشین واضح کی ہے۔

یہ بھی پڑھیں:ڈالر بے لگام: ملکی تاریخ کی بلند ترین سطح پر پہنچ گیا

 ذرائع کے مطابق ایف اے ٹی ایف نے پاکستان کو 2 مرحلوں میں 34 نکات پر عملدرآمد کا کہا ہے، گزشتہ اجلاس میں پاکستان نے 34 میں سے 32 شرائط پر پہلے ہی عملدرآمد کر دیا تھا۔ اس مرتبہ پاکستان نے تمام 34 نکات پر عملدرآمد کر دیا ہے۔

ذرائع کے مطابق پاکستان کی کارکردگی رپورٹ کا جائزہ لینے کیلئے ایف اے ٹی ایف کا وفد پاکستان بھیجا جاسکتا ہے۔ کارکردگی کی بنیاد پر آج ہی پاکستان کا نام گرے لسٹ سے نکالنے کا اعلان کر دیا جائے۔

دوسری جانب سوشل میڈیا پر بھی پاکستان کو گرے لسٹ سے نکالے جانے کے خبریں گردش کر رہی ہیں۔ پاکستان تحریک انصاف کے خیبرپختونخوا رکن اسمبلی مشتاق غنی ٹویٹر اکاؤنٹ پر ٹویٹ کرتے ہوئے کہا کہ فیٹف پاکستان کو گرے لسٹ سے نکال چکا ہے۔ شکریہ عمران خان۔

#FATF has removed #Pakistan from grey list after its 3 days plenary in Berlin, Germany.#ThankYou #ImranKhan

— Mushtaq Ghani (@MushtaqGhaniPTI) June 17, 2022

جان اچکزائی نے اپنے ٹویٹر پیغام میں کہا کہ‘ پاکستان کے لئے اچھی خبر آنیوالی ہے، میرے ذرائع کے مطابق ایف اے ٹی ایف پاکستنان کا نام گرے لسٹ سے نکال چکا ہے۔

Great news AH for Pakistan #FATF has removed Pakistan from grey list after its 3 days plenary in Berlin, Germany, as my 2 sources earlier conformed.

— Jan Achakzai / جان اچکزئی (@Jan_Achakzai) June 17, 2022

ادھر ساؤتھ ایشیا انڈیکس کے مطابق ایف اے ٹی ایف کے اجلاس میں پاکستان کا نام گرے لسٹ سے نکالا جا چکا ہے۔

Just IN:— FATF has removed Pakistan from grey list after its 3 days plenary in Berlin, Germany.

— South Asia Index (@SouthAsiaIndex) June 17, 2022

سابق وزیر خزانہ شوکت ترین نے اپنے ٹویٹر پیغام میں کہا ہے کہ گرے لسٹ سے پاکستان نکالے جانے کا سہرا حماد اظہر کے سر جاتا ہے، سوال یہ ہے کہ گزشتہ دو سالوں میں مضبوط معاشی نتائج دینے کے بعد، کامیابی سے کووِڈ اور اب ایف اے ٹی ایف کو سنبھالنے کے بعد عمران خان کی حکومت کیوں تبدیل کی گئی؟۔

Removal of Pakistan from FATF grey list is yet another feather in PTI@Hammad Azhar's cap. After producing strong economic results in the last two years, successfully managing Covid and now FATF, the question is why was Imran Khan's govt changed?

— Shaukat Tarin (@shaukat_tarin) June 17, 2022