انگلش بلے بازوں نے نیا ریکارڈ بنا ڈالا

(ویب ڈیسک)انگلینڈ کرکٹ ٹیم نے ون ڈے انٹرنیشنل میں سب سے زیادہ رنز بنانے کانیا ریکارڈ بنا ڈالا۔
تفصیلات کے مطابق انگلینڈ نے نیدر لینڈ کے خلاف 498رنز بنا کر نیا ریکارڈ قائم کردیا ۔نیدر لینڈ کیخلاف بیٹنگ کرتے ہوئے انگلش بلے بازوں کے بیٹ رنز اگلنے لگے ۔
 انگلینڈ کے تین کھلاڑیوں نے سنچریاں، ایک نے نصف سنچری جڑ دی ۔ جوز بٹلر 70 گیندوں پر 162 رنز بنا کر ناقابل شکست رہے، بٹلر کی اننگز میں 14 چھکے اور 7 چوکے شامل ہیں ۔ڈیوڈ ملان نے 125 اور فل سالٹ 122 رنزبنائے ۔ لیونگ سٹون 22 گیندوں پر 66 رنز کیساتھ ناٹ آوٹ رہے۔اس سے پہلے بھی ون ڈے انٹرنیشنل میں زیادہ رنزبنانے کا عالمی ریکارڈ انگلینڈ کے پاس ہی تھا،2018میں انگلینڈ نے آسٹریلیا کیخلاف 481 رن بنائے تھے۔
یہ بھی پڑھیں:پاکستان نے ICC رینکنگ میں بھارت کو پیچھے چھوڑ دیا