مجھے یقین ہے فیٹف ٹیم کا دورہ بھی کامیابی سے مکمل ہو گا،عمران خان 

(24 نیوز)تحریک انصاف کے چیئرمین عمران خان نے فیٹف شرائط مکمل کرنے پر ردعمل دیتے ہوئے کہاہے کہ فیٹف ٹیم ایکشن پلان پر کام مکمل ہونے کی تصدیق کیلئے دورہ کریگی،مجھے یقین ہے فیٹف ٹیم کا دورہ بھی کامیابی سے مکمل ہو گا۔
سماجی رابطے کی ویب سائٹ ٹوئٹر پر عمران خان نے کہاکہ فروری 2018 میں پاکستان کو فیٹف گرے لسٹ میں ڈالا گیا، پاکستان کو اب تک کا سب سے چیلنجنگ ایکشن پلان دیا گیا۔چیئرمین تحریک انصاف کا کہناہے کہ ہم حکومت میں آئے تو بلیک لسٹ میں جانے کا شدید خدشہ تھا،ہماری حکومت نے ملک کو فیٹف بلیک لسٹ میں جانے سے بچایا۔

Pak was nominated for grey listing by FATF in Feb 2018 & had to complete the most challenging action plan ever given to any jurisdiction. When my govt took over, we faced dire prospect of Blacklisting by that body. Our past compliance history with FATF was also not favourable.

— Imran Khan (@ImranKhanPTI) June 17, 2022

انہوںنے کہاکہ فیٹف نے بارہا میری حکومت کے کام اور سیاسی عزائم کی تعریف کی،ہم نے فیٹف کے 34 میں سے 32 ایکشن آئٹمز کو مکمل کیا،ان کا مزید کہناتھا کہ آئٹمز مکمل ہونے پر فیٹف نے پاکستان کے ایکشن پلان کو مکمل قرار دیا، فیٹف ٹیم ایکشن پلان پر کام مکمل ہونے کی تصدیق کیلئے دورہ کریگی،عمران خان کاکہناتھا کہ مجھے یقین ہے فیٹف ٹیم کا دورہ بھی کامیابی سے مکمل ہو گا،ان کا کہناتھا کہ حماد اظہر، فیٹف رابطہ کمیٹی اور افسران نے غیر معمولی کارکردگی دکھائی ، پورے ملک کو آپ پر فخر ہے۔

یہ بھی پڑھیں: پاکستان نے تمام شرائط مکمل کرلیں ، صدر فیٹف کابڑااعلان