پی آئی اے :577انجینئرز کی جگہ 404نان انجینئرز کی بھرتیوں کا انکشاف

(24نیوز)پی آئی اے میں انجینئرز کی اسامیوں کیلیے نان انجینئرز کی بھرتیوں کا انکشاف،بطور ایئر کرافٹ انجینئرز 577 بھرتیوں  میں 404 انجینئر ہی نہیں ہیں۔

 تفصیلات کے مطابق پاکستان انجینئرنگ کونسل کی جانب سے سی ای او پی آئی اے ارشدملک کو خط لکھا گیا ہے جس میں قومی ائرلائن میں انجینیرز کی اسامیوں کیلیے نان انجینئرز کی بھرتیوں کا انکشاف ہوا ہے۔پی ای سی خط کے مطابق کسی سرکاری ادارے میں پی ای سی سے رجسٹرڈ نہ ہونے والا انجینئربھرتی کیلیے اہل نہیں ہے، ان ملازمین میں سے کوئی انجنیئرنگ ادارے میں بطور انجینئر رجسٹرڈ نہیں۔

  واضح رہے خط کے مطابق2018 میں عدالت عظمی کی ججمنٹ بھی پی ای سی ایکٹ کی تائید کرتی ہے، ان تمام ملازمین کے پاس نہ ڈپلومہ ہے نہ ہی بی ٹیک کی ڈگری ہے، سپریم کورٹ کے احکامات کے تحت  اسامیوں پر رجسٹرڈ انجینئرز کی بھرتیاں یقینی بنائی جائیں۔