این اے 249 کیلئے 55 امیدواروں نے کا غذات نامزدگی جمع کروادئیے

(24 نیوز)کراچی کے حلقہ این اے 249 کے ضمنی انتخاب کے لیے کاغذات نامزدگی وصول اور جمع کرانے کامرحلہ مکمل کرلیا گیا ہے۔
تفصیلات کے مطا بق مجموعی طور پر 55 امیدواروں نے کاغذات نامزدگی جمع کرائے، پی ٹی آئی 13 اور مسلم لیگ (ن) کے 3 امیدواروں نے نامزدگی فام جمع کرائے۔ امیدواروں میں پی ٹی آئی کے رکن سندھ اسمبلی ملک شہزاد اعوان بھی شامل ہیں۔
اسی طرح ایم کیو ایم پاکستان کے 7 اور پیپلز پارٹی کے 3 امیدواروں کے کاغذات جمع ہوئے ۔ ٹی ایل پی 4، اے این پی 1 اور ایم ڈبلیو ایم کے 1 امیدوار نے نامزدگی فارم جمع کرائے۔ پاک سرزمین پارٹی کے 3 اور مسلم لیگ فنکشنل کے 1 امیدوار نے کاغذات جمع کرائے ۔مسلم لیگ جونیجو، ایم ڈبلیو ایم اور سنی تحریک اور پاکستان فلاح پارٹی کا ایک ایک فارم جمع کروایا گیا ہے۔
 پاکستان راہ حق پارٹی، عام لوگ اتحاد، پاک مسلم الائنس اور پاسبان نے بھی ایک ایک فارم جمع کرایا۔ کاغذات نامزدگی جمع کرانے والوں میں 11 آزاد امیدوار بھی شامل ہیں۔ این اے 249 کے ضمنی انتخاب کے لیے پولنگ 29 اپریل کو ہوگی۔