عمران خان تحریک عدم اعتماد میں سرخرو ہوں گے: شیخ رشید

 (24نیوز) وزیر داخلہ شیخ رشید نے سیاسی مخالفین کو خبردار کرتے ہوئے کہا ہے کہ تصادم کی طرف نہ جائیں ورنہ جھاڑو پھر جائے گا، پھر ہاتھ ملتے رہ جائیں گے،شہباز شریف بے نقاب ہو گئے، ان کی بلی بھی تھیلے سے باہر آ گئی، وہ کہتے ہیں قومی حکومت بنے گی، چند روز بعد کہیں گے ٹیکنوکریٹس کی حکومت بنے گی۔

اسلام آباد میں پریس کانفرنس سے خطاب کرتے ہوئے شیخ رشید نے کہا کہ عمران خان تحریک عدم اعتماد میں سرخرو ہوں گے، اصلی اور نسلی لوگ مشکل وقت میں ساتھ کھڑے ہوتے ہیں، اتحادی عمران خان کے ساتھ کھڑے ہوں گے، سندھ ہاؤس میں خرید و فروخت کی منڈی لگی ہوئی ہے، 25 مارچ کو اپوزیشن کا جلسہ ہے، سکیورٹی دیں گے۔ سندھ ہاؤس میں 300 سے 400 سندھ پولیس کے اہلکار بلائے گئے ہیں، کوئی بات نہیں ، امن و امان کی صورتحال برقرار رکھنا حکومت کی ذمہ داری ہے۔

یہ بھی پڑھیں: پیپلزپارٹی کا خیبر پختونخواکے چار بڑے شہروں میں جلسوں کا اعلان