زرنش خان کی علیزے شاہ سے ماضی کے بیان پرمعافی،اداکارہ کاکراراجواب

(ویب ڈیسک)اسلام کی خاطر شوبز کو خیرباد کہنے والی زرنش خان نے علیزے شاہ سے معافی مانگ لی تاہم اداکارہ نے اسے منظور کرنے سے انکار کردیا۔

سابقہ اداکارہ نے وجاہت رؤف کے پروگرام میں علیزے شاہ کو "بدتمیز" قرار دیتے ہوئے کہا تھا کہ بدتمیزی میں ان سے کسی کا بھی مقابلہ ہو تو وہ ہی جیتیں گی، تاہم اب زرنش خان نے ماضی میں علیزے سے متعلق دیے گئے بیان پر معافی طلب کی ہے۔

زرنش  خان نے علیزے شاہ  کو پیغام بھیجا جس میں انہوں نے اپنی غلطی مانتے ہوئے معافی مانگی جس پر علیزے شاہ نے بتایا کہ زرنش خان کی جب یہ ویڈیو وائرل ہوئی (جس میں علیزے کو بدتمیز کہا گیا)، اس کے بعد علیزے کی والدہ نے سابقہ اداکارہ کو فون کیا اور یہ سب کہنے کی وجہ پوچھی تو زرنش نے میری والدہ کو کہا کہ وہ ویڈیو بنائیں گی اور ساری بات بتائیں گی لیکن اس کے بعد علیزے کی والدہ کا نمبر بلاک کردیا گیا۔

علیزے شاہ نے اپنی اسٹوری میں لکھا میں آپ کو معاف نہیں کرسکتی، نہیں بھول سکتی کہ میری والدہ اس وقت اپنے آپ کو کتنا بے بس محسوس کررہی تھیں، میری والدہ کی آواز کانپ رہی تھی لیکن آپ نے ان کا نمبر بلاک کردیا تاکہ وہ آپ کو دوبارہ معافی کا نہ کہیں؟

 یہ بھی پڑھیں:علیزے شاہ کا ناقدین کوغیر اخلاقی اشارے سے جواب، ویڈیو وائرل

اداکارہ نے کہا کہ میں نے آج تک کسی کے خلاف آن لائن بات نہیں کی، میں صرف اپنی امی سے شکایت کرتی ہوں اور وہ اللہ سے، میری ماں جب مجھے اپنے ہاتھ سے کھانا کھلاتی تھیں تو وہ آپ کو بھی نوالے بناکر کھلایا کرتی تھیں، اللہ سب دیکھ رہا ہے۔