مسلم لیگ ن کو بڑا جھٹکا،رانا احسان پی پی پی میں شامل
Stay tuned with 24 News HD Android App
(24نیوز) پاکستان مسلم لیگ ن (پی ایم ایل این) کے رہنما رانا احسان نے ن لیگ کو خیر باد کہہ کر پاکستان پیپلز پارٹی(پی پی پی) میں شمولیت اختیار کرلی۔
تفصیلات کے مطابق پیپلزپارٹی کے چیئرمین بلاول بھٹو زرداری سے مسلم لیگ ن سے پی پی پی میں شمولیت اختیار کرنے والے رہنما رانا احسان کی ملاقات کی، انہوں نے پی پی پی قیادت پر اعتماد کا اظہار کیا،چیئرمین بلاول بھٹو زرداری نے انہیں پارٹی میں شمولیت پر خوش آمدید کہا۔
اس موقع پر پیپلزپارٹی کے چیئرمین بلاول بھٹو زرداری سے پی پی پی سندھ کے جنرل سیکرٹری اور وزیراعلیٰ سندھ کی انسپکشن ٹیم کے انچارج وقار مہدی کی بلاول ہاؤس میں ملاقات کی،پارٹی چیئرمین کو ترقیاتی منصوبوں کے معیار کو بہتر بنانے کے حوالے سے اپنی کارکردگی سے آگاہ کیا، بلاول بھٹو زرداری سے بلدیات کے وزیر سعید غنی کی بلاول ہاؤس میں ملاقات کی،سعید غنی نے اپنے محکمے کی کارکردگی سے متعلق بریفنگ دی اس کے علاوہ، معاون خصوصی رضا ہارون کی بلاول ہاؤس میں ملاقات کی ،اس موقع پر کراچی کی سیاسی صورت حال پر بات چیت ہوئی۔
یہ بھی پڑھیں: آئندہ بجٹ میں ملازمین کی تنخواہیں، پنشن بڑھانے کی تجویز زیر غور نہیں: وزیر خزانہ