طوبیٰ سے طلاق کے دعوے۔۔ عامر لیاقت بھی میدا ن میں آگئے 

(24 نیوز)دوسری بیوی طوبیٰ سے طلاق کے دعووں پر پاکستان تحریک انصاف کے رکنِ قومی اسمبلی و معروف ٹی وی میزبان عامر لیاقت حسین بھی بول پڑے۔

تفصیلات کے مطابق اپنے ایک ٹویٹ میں عامر لیاقت حسین نے ڈھکے چھپے انداز اور دبے لفظوں میں اپنی تیسری بیوی ہونے کی دعوے دار ہانیہ خان کی " مذمت" کی اور اپنی دوسری بیوی کو "پیغام" دیا ہے۔
عامر لیاقت نے لکھا " لوگ مشہور ہوگئے،ہمیں بدنام کرتے کرتے۔تہمت طرازی، بہتان اور مقدس ہستیوں کا نام لے کر کردار کشی تاریخ میں ہمیشہ ناکام رہی، جو پیچھے ہیں گرجائیں گے، جواب سوالوں کا دیا جاتا ہے تصورات کا نہیں! نیکی عذاب ہوئی۔"

لوگ مشہور ہوگئے
ہمیں بدنام کرتے کرتے

تہمت طرازی، بہتان اور مقدس ہستیوں کا نام لے کر کردار کشی تاریخ میں ہمیشہ ناکام رہی،جو پیچھے ہیں گرجائیں گے ،جواب سوالوں کا دیا جاتا ہے تصورات کا نہیں! نیکی عذاب ہوئی “فترب٘صو” انتظار کریں اللہ کے فیصلے کاچھوڑنے والے بھی توڑنے والے بھی!

— Aamir Liaquat Husain (@AamirLiaquat) May 17, 2021

انہوں نے اپنی تیسری بیوی ہونے کی دعوے دار ہانیہ خان کیلئے پیغام دیا کہ توڑنے والے اللہ کے فیصلے کا انتظار کریں۔ انہوں نے چھوڑنے والوں کیلئے بھی کہا کہ وہ بھی اللہ کے فیصلے کا انتظار کریں۔ انہوں نے یہ واضح نہیں کیا کہ انہوں نے "چھوڑنے والے" اپنی پہلی بیوی بشریٰ اقبال کو کہا ہے یا دوسری بیوی طوبیٰ کو۔خیال رہے کہ عامر لیاقت کی تیسری بیوی ہونے کی دعوے دار ہانیہ خان نے دعویٰ کیا تھا کہ رکنِ قومی اسمبلی کی دوسری بیوی طوبیٰ نے ان سے طلاق لے لی ہے۔

یہ بھی پڑھیؒں:مہو ش حیات سیا ستدا ن بنیں گی