(24نیوز) کورونا وائرس سے مزید10افراد جاں بحق جبکہ مجموعی اموات کی تعداد28ہزار 628ہو گئی ہے۔
گزشتہ 24 گھنٹوں کے دوران ملک بھر میں مزید270 کورونا کیسز رپورٹ ہوئے۔ کیسز کی مجموعی تعداد 12 لاکھ 80 ہزار362ہوگئی۔ این سی او سی کے مطابق گزشتہ چوبیس گھنٹوں میں ملک بھر میں 32ہزار6کورونا ٹیسٹ کیے گئے اور مثبت کیسز کی شرح 0.84 فیصد رہی۔
پنجاب میں 12 ہزار 984 ،سندھ میں 7 ہزار605، خیبرپختونخوا 5 ہزار805، اسلام آباد 949، گلگت بلتستان 186، بلوچستان میں 358 اور آزاد کشمیر میں 741 افراد جان کی بازی ہار چکے ہیں۔ سندھ میں کورونا کے کیسز کی تعداد 4 لاکھ 73ہزار293، خیبر پختونخوا میں ایک لاکھ 79 ہزار276، پنجاب میں 4 لاکھ 42 ہزار68،اسلام آباد میں ایک لاکھ 7 ہزار383، بلوچستان میں 33 ہزار422، آزاد کشمیر میں 34 ہزار517 اور گلگت بلتستان میں 10 ہزار403 ہو گئی ہے۔
یہ بھی پڑھیں:یونیورسٹی میں طلبہ کی غیر اخلاقی ٹک ٹاک ویڈیو سو شل میڈیا پر منظر عام پر آ گئی