سدھارتھ شکلا کی یاد ۔۔شہناز گل کی دہاڑیں مار کر روتے ہوئے ویڈیو وائرل۔۔ مداح جذباتی

 (24 نیوز) ’ہمیں تم سے پیار کتنا ۔ یہ ہم نہیں جانتے۔ مگر جی نہیں سکتے تمہارے بنا‘  شہناز گل اب تک سدھارتھ شکلا کی موت کے غم سے باہر نہیں آ پائی ، جب بھی سدھارتھ کی یاد آتی ہے بے ساختہ رونے لگتیں ہیں۔

سدھارتھ شکلا  کی موت کو تقریباً ڈھائی ماہ گزر چکے ہیں لیکن شہناز گل  اور ان کی جوڑی کو لوگ بھولے نہیں ہیں۔ شہناز گل اور سدھارتھ شکلا کی جوڑی کو بگ باس 13 میں کافی پسند کیا گیا تھا۔ شہناز گل نے تو کئی بار سدھار شکلا کے سامنے اپنے پیار کا اظہار بھی کیا تھا۔

سدھارتھ شکلا کے جانے سے شہناز گل بری طرح ٹوٹ گئی ہیں۔ ایک ماہ سے بھی زیادہ وقت تک وہ سوشل میڈیا پر سرگرم نہیں تھیں اور نہ ہی عوامی طور پر نظر آئیں۔ آخر کار وہ اپنی فلم ’حوصلہ رکھ‘ کے پرموشن میں نظر آئیں۔ پرموشن کے دوران کا ایک ویڈیو سوشل میڈیا پر تیزی سے وائرل ہو رہا ہے۔ اس ویڈیو میں سدھارتھ شکلا کو یاد کرکے شہنازگل رونے لگ جاتی ہیں اور اپنا چہرہ چھپالیتی ہیں۔

 دلجیت دوسانجھ نے شہناز گل کو دی تسلی وہیں اداکار دلجیت دوسانجھ انہیں خاموش کرنے کی کوشش کرتے ہیں اور انہیں سمجھاتے ہیں۔ یہ ویڈیو دیکھ کر سدھارتھ شکلا اور شہناز گل کے مداح جذباتی ہو رہے ہیں۔ آپ کو بتادیں کہ کچھ وقت پہلے شہناز گل نے سدھارتھ شکلا کے لئے ایک گانا بھی ڈیڈیکیٹ کیا تھا، جس کے بول ’تو یہیں ہے‘ ہے۔ شہناز گل نے اپنی طرف سے سدھارتھ شکلا کو اس گانے کے ذریعہ ٹریبیوٹ کیا تھا، جو سدھارتھ شکلا کے مداحوں کو پسند نہیں آیا تھا۔

سدھارتھ شکلا کے غم سے ابھرنے میں سدھارتھ شکلا کی ماں گیتا شکلا نے شہناز گل کی مدد کی۔ ساتھ ہی انہوں نے شہناز گل کو واپس کام پر لوٹنے کے لئے ترغیب دی۔ آپ کو بتادیں کہ شہناز گل اور سدھارتھ شکلا کی ماں کے درمیان بھی کافی اچھی بانڈنگ ہے۔

واضح رہے کہ سدھارتھ شکلا کا انتقال 2 ستمبر کو اچانک ہارٹ اٹیک سے ہوگیا تھا۔ وہ محض 40 سال کے تھے۔

یہ بھی پڑھیں:کنگنا رناوت۔۔راکھی ساونت نے ایسی بات کہی کہ بالی ووڈ میں ہلچل مچ گئی