(24 نیوز)وزیر مملکت مصدق ملک نے توشہ خانہ کے تحائف اونے پونے داموں فروخت پر سوال اٹھاتے ہوئے کہاہے کہ ایک ارب 70 کروڑ کی گھڑی 2 کروڑ میں خرید کر 5 کروڑ میں بیچنا بھی کرپشن نہیں؟،عمران خان کہتے ہیں 500 کاہیراخرید کر 1000 میں بیچنا کرپشن نہیں ؟، خان صاحب!چوری پکڑی گئی، فرح کو کہیں واپس آئے، ان سے تحقیقات کی جائیں ،ہم بھی کہتے ہیں خان صاحب”رسیداں کڈو“
اسلام آباد میں پریس کانفرنس کرتے ہوئے مصدق ملک نے کہاکہ آپ نے کہاامریکا نے سازش کرکے مجھے اقتدار سے نکالا، آپ سازش کا کاغذ لہرا لہرا کر لوگوں کو دکھاتے تھے،ایک کاغذ عمران خان نے لہرایا جو بعد میں ان سے گم ہوگیا، ادارے کہتے رہے کوئی سازش نہیں ہوئی لیکن آپ نہیں مانے، خان صاحب امریکا کے بارے میں پہلے کچھ اور کہتے تھے اور اب کچھ اور،۔
وزیر مملکت نے کہاکہ عمران خان نے بیشتر تقریروں میں آرمی چیف کی تقرری کو متنازع بنایا، پھر کہا آرمی چیف کی تقرری میرا ایشو نہیں ، عمران خان نے کہاوہ اور ادارے ایک پیج پر ہیں ،پھر شہدا کے خلاف مہم چلائی، آپ کی پہلی بات مانیں یا دوسری؟۔
مصدق ملک نے کہاکہ عمران خان نے یہ بھی کہاتھا مودی جیتے گا تو پاک بھارت تعلقات بہتر ہو جائیں گے۔
یہ بھی پڑھیں: قومی ٹیم کے وہ کھلاڑی جو ورلڈ کپ میں بغیر کوئی میچ کھیلے کروڑ پتی بن گئے