وائٹ بال ٹیم کے کوچ کیلئے عاقب جاوید کا نام سامنے آگیا

(24 نیوز)پاکستان وائٹ بال کرکٹ ٹیم کے ہیڈ کوچ کی ذمے داریاں سابق ٹیسٹ کرکٹر عاقب جاوید کو ملنے کا امکان ہے۔

ذرائع کے مطابق زمبابوے اور آئندہ سیریز میں عاقب جاوید کو ذمے داریاں دینے پر غور کیا جارہا ہے۔وائٹ بال ہیڈ کوچ کے حوالے سے فیصلہ جلد متوقع ہے، پاکستان کرکٹ بورڈ اب ملکی کوچ کو مستقل ذمے داری دے گا۔دورۂ آسٹریلیا سے قبل گیری کرسٹن نے ہیڈ کوچ کے عہدے سے استعفیٰ دے دیا تھا، ریڈ بال کے ہیڈ کوچ جیسن گلیسپی کو دورۂ آسٹریلیا کے لیے عبوری کوچ مقرر کیا گیا تھا۔

مزید پڑھیں: سابق کرکٹر محمد یوسف قومی ٹیم کی کوچنگ سے الگ ہوگئے

پاکستان نے 24 نومبر سے 5 دسمبر تک زمبابوے کے خلاف سیریز کھیلنی ہے۔پاکستان ٹیم 10 دسمبر سے 7 جنوری تک جنوبی افریقا کے خلاف سیریز کھیلے گی جس میں سیریز میں 3 ٹی ٹونٹی، 3 ون ڈے اور 2 ٹیسٹ میچز شامل ہیں۔