ٹی ٹوئنٹی ورلڈ کپ : افتتاحی میچ میں  پاپوا نیو گنی کو شکست

 (24نیوز)ورلڈ کپ کے افتتاحی میچ میں عمان نے  پاپوا نیو گنی کودس وکٹوں سے  شکست دیدی۔
تفصیلات کے مطابق عمان میں کھیلے جانیوالے ٹی ٹوئنٹی ورلڈ کپ کے پہلے میچ میں میزبان ٹیم نے  پاپوا نیو گنی کو ہرا دیا۔ پاپوا نیو گنی نے پہلے بیٹنگ کرتے ہوئے 129رنز کا ہدف دیا ۔عمان نے بغیر کسی وکٹ کے نقصان کے چودویں اوور میں ہدف پورا کرلیا ۔ورلڈ کپ کے پہلے مرحلے میں میزبان عمان  نے پاپوا نیو گنی کے خلاف ٹاس جیت کر مہمان ٹیم کو بیٹنگ کی دعوت دی تھی ۔پاپوا نیوگنی نے پہلے کھیلتے ہوئے 129رنز بنائے، کپتان اسد والا 56 رنز کے ساتھ ٹاپ سکورر رہے ، چارلس امینی 37، سیزی باؤ 13 رنز بنا  نے میں کامیاب ہوئے ۔ عمان کے ذیشان مقصود 4، بلال خان اور کلیم اللہ کی 2،2 وکٹیں حاصل کیں۔
130رنز کا ہدف میزبان ٹیم نے بغیر کسی نقصان کے13اعشاریہ 4اوورز میں حاصل کرلیا،عاقب الیاس50اور جیتندر سنگھ73رنز بناکر ناقابل شکست رہے۔
یہ بھی پڑھیں:ایک ہے نگار کےآفیشل ٹر یلر نے دھوم مچا دی۔۔ویڈیو وا ئرل