مہربانو نے دلیری سے مقابلہ کیا ،عام انتخابات میں زیادہ محنت کرینگے‘شاہ محمود قریشی

(24 نیوز)پاکستان تحریک انصاف کے وائس چیئرمین شاہ محمود قریشی نے حلقہ این اے 157 ملتان کے ضمنی انتخاب میں بیٹی کی شکست کے بعد اپنے حامیوں کا شکریہ ادا کیا ہے۔
ضمنی انتخاب میں ناکامی کے بعد اپنی ٹوئٹ میں شاہ محمود قریشی نے کہا کہ ملتان کے عظیم شہریوں کا تہہ دل سے مشکور ہوں جنہوں نے 13 جماعتی گٹھ جوڑ کے خلاف تحریک انصاف کا ساتھ دیا،مہربانو قریشی نے دلیری سے مقابلہ کیا ،انشا اللہ ہم آنے والے عام انتخابات میں پہلے سے زیادہ محنت کرکے جیت تحریکِ انصاف کے نام کریں گے۔

ملتان کے عظیم شہریوں کا تہہ دل سے مشکور ہوں جنہوں نے 13 جماعتی گٹھ جوڑ کے خلاف تحریک انصاف کا ساتھ دیا۔ مہربانو قریشی نے دلیری سے مقابلہ کیا ۔انشاء الله ہم آنے والے عام انتخابات میں پہلے سے زیادہ محنت کرکے جیت تحریکِ انصاف کے نام کرینگے ۔

— Shah Mahmood Qureshi (@SMQureshiPTI) October 16, 2022

اپنی ایک اور ٹوئٹ میں شاہ محمود قریشی نے کہا کہ میں عمران خان کو ضمنی انتخابات میں واضح کامیابی پر مبارک باد پیش کرتا ہوں۔ پاکستان کے عوام نے اپنے ووٹ کے ذریعے سب کو پیغام دے دیا ہے کہ وہ کہاں کھڑے ہیں۔ یہ جیت تحریکِ انصاف کی نہیں بلکہ 22کروڑ پاکستانیوں کی ہے۔

میں چئیرمین عمران خان کو ضمنی انتخابات میں واضح کامیابی پر مبارک باد پیش کرتا ہوں ۔ آج پاکستان کے عوام نے اپنے ووٹ کے ذریعے سب کو پیغام دے دیا ھے کہ وہ کہاں کھڑے ہیں۔ یہ جیت تحریکِ انصاف کی نہیں بلکہ 22 کروڑ پاکستانیوں کی ھے۔

— Shah Mahmood Qureshi (@SMQureshiPTI) October 16, 2022

خیال رہے کہ گزشتہ روز ملتان کے حلقے این اے 157 میں ضمنی انتخابات میں شاہ محمود قریشی کی بیٹی مہر بانو قریشی کو شکست ہوئی تھی۔