ایران میں زلزلے کے شدید جھٹکے

(ویب ڈیسک)ایران میں زلزلے کے شدید جھٹکے محسوس کئے گئے ہیں،ہر طرف خوف وہراس پھیل گیا،لوگ گھروں اور دفاتر سے باہر نکل آئے۔

غیرملکی میڈیا کے مطابق ایران کے جنوبی علاقوں میں زلزلے کے شدید جھٹکے محسوس کئے گئے ہیں، ریکٹر سکیل پر زلزلے کی  شدت 5.5ریکارڈ کی گئی جبکہ زلزلے کی گہرائی 10کلو میٹر تھی ۔

یہ بھی پڑھیں: کمال ہو گیا،ڈالر کی قیمت میں حیران کن کمی

زلزلے سے کسی جانی یا مالی نقصان کی اطلاع نہیں ملی۔

 یہ بھی پڑھیں: سابق کپتان شاہد آفریدی کے گھر صف ماتم بچھ گئی

ماہرین کے مطابق زلزلے قدرتی آفت ہیں جن کے باعث دنیا بھر میں لاکھوں افراد لقمہ اجل بن چکے ہیں،  زمین کی تہہ تین بڑی پلیٹوں سے بنی ہے, پہلی تہہ کا نام یوریشین، دوسری بھارتی اور تیسری اریبین ہے, زیر زمین حرارت جمع ہوتی ہے تو یہ پلیٹس سرکتی ہیں, زمین ہلتی ہے اور یہی کیفیت زلزلہ کہلاتی ہے۔ زلزلے کی لہریں دائرے کی شکل میں چاروں جانب یلغار کرتی ہیں۔

زلزلوں کا آنا یا آتش فشاں کا پھٹنا، ان علاقوں میں زیادہ ہے جو ان پلیٹوں کے سنگم پر واقع ہیں, ماہرین کا کہنا ہے کہ جن علاقوں میں ایک مرتبہ بڑا زلزلہ آ جائے تو وہاں دوبارہ بھی بڑا زلزلہ آ سکتا ہے, پاکستان کا دو تہائی علاقہ فالٹ لائنز پر ہے جس کے باعث ان علاقوں میں کسی بھی وقت زلزلہ آسکتا ہے۔

   کراچی سے اسلام آباد، کوئٹہ سے پشاور، مکران سے ایبٹ آباد اور گلگت سے چترال تک تمام شہر زلزلوں کی زد میں ہیں، جن میں کشمیر اور گلگت بلتستان کے علاقے حساس ترین شمار ہوتے ہیں, زلزلے کے اعتبار سے پاکستان دنیا کا پانچواں حساس ترین ملک ہے۔

 پاکستان انڈین پلیٹ کی شمالی سرحد پر واقع ہے جہاں یہ یوریشین پلیٹ سے ملتی ہے, یوریشین پلیٹ کے دھنسنے اور انڈین پلیٹ کے آگے بڑھنے کا عمل لاکھوں سال سے جاری ہے, پاکستان کے دو تہائی رقبے کے نیچے سے گزرنے والی تمام فالٹ لائنز متحرک ہیں جہاں کم یا درمیانے درجہ کا زلزلہ وقفے وقفے سے آتا رہتا ہے۔