(مانیٹرنگ ڈیسک) افغانستان میں منفی کردار ادا کرنے کےباعث عالمی برادری میں بھارت کو ہمہ وقت خفت اٹھانے کا اندیشہ رہتا ہے اور اسی ڈر کی وجہ سے بھارت کے وزیر اعظم نریندر مودی نے اپنا تاجکستان کا دورہ عین وقت پر منسوخ کر دیا۔
امارت اسلامی کی جانب سے سماجی رابطے کی ویب سائٹ ٹویٹر پر جاری ایک پیغام میں کہا گیا ہے بھارت کے افغانستان میں منفی کردار پر شنگھائی تعاون تنظیم کے اجلاس میں صحافیوں کی جانب سے سخت سوالوں کے خدشے کی بنا پر بھارتی وزیراعظم نریندر مودی نے دورہ تاجکستان عین وقت پر منسوخ کر دیا۔
یہ بھی پڑھیں: چین اور روس افغانستان کیلئے فنڈز کی بحالی پر متفق
یاد رہے کہ بھارت کی جانب سے متعدد بار افغانستان کے حوالے سے منفی پراپیگنڈہ کیا جاتا ہے۔ طالبان کی عبوری حکومت کو ہدف تنقید بناتے ہوئے بے بنیاد جھوٹی خبریں چلائی جاتی ہیں۔