(ویب ڈیسک) دبئی مال اسٹور میں تمام آئی فون 14 پرو اور آئی فون 14 پرو میکس ڈیوائسز فروخت شروع ہونے کے صرف 45 منٹ بعد ہی سارا سٹاک فروخت ہوگیا۔
متحدہ عرب امارات ان پہلے ممالک میں شامل ہے جہاں امریکی ٹیک فرم ایپل نے اپنے جدید ترین اسمارٹ فونز متعارف کروائے ہیں۔رپورٹ کے مطابق دبئی مال ایپل سٹور کے باہر سیکڑوں لوگ قطار میں رات سےکھڑے رہے کہ کب سٹور اوپن ہو اور وہ آئی فون 14 خریدنے والے پہلے لوگوں میں سے ہوں۔دبئی مال ایپل سٹور صبح 8 بجے کھلا اور کھلنے کے صرف 45 منٹ بعد ہی آئی فون 14 کاسارا سٹاک فروخت ہوگیا۔
واضح رہے کہ آئی فون 14 کی قیمت 419،999 ہے، آئی فون 14 پلس کی قیمت 459,999 روپے ہے، آئی فون 14 پرو 489,999، اور پرو میکس ماڈل 529,999روپے کا ہے۔