مسافر بردار طیارہ گر کر تباہ، 14 افراد ہلاک

(ویب ڈیسک)برازیل کے صوبے بارسیلوز میں شمالی ایمازون کے علاقے میں مسافر بردار طیارہ گر کر تباہ ہوگیا، حادثے  میں 14 افراد ہلاک ہو گئے۔

میڈیا رپورٹس کے مطابق بارسیلوز کے گورنر نے سوشل میڈیا پوسٹ کے ذریعے جہاز حادثے میں ہلاکتوں پر افسوس کا اظہار کرتے ہوئے کہا کہ حادثے کے مقام پر ریسکیو اہلکار پہنچ گئے ہیں، امدادی سرگرمیاں جاری ہیں۔

????ATENÇÃO: O avião que caiu em Barcelos, no Amazonas, tinha 14 pessoas. Todos morreram, incluindo o piloto e copiloto.

O avião tipo taxi aéreo transportava turistas americanos. pic.twitter.com/j95NyI5l7e

— CHOQUEI (@choquei) September 16, 2023

غیر ملکی میڈیا کے مطابق حادثے میں جہاز کے عملے کے 2 اراکین سمیت طیارے میں سوار 14 افراد ہلاک ہو گئے۔

ضرورپڑھیں:مساجد میں شراب پی کر ریاست کو للکارنے والا شخص گرفتار 

دوسری جانب مینووس ائیرو ٹیکسی ائیر لائنز نے ایک بیان میں جہاز حادثے کی تصدیق کرتے ہوئے کہا کہ حادثے کی تحقیقات جا ری ہیں تاہم متاثرین کی رازداری کے حقوق کے پیش نظر فی الحال ہلاکتوں یا زخمیوں کے بارے میں کوئی معلومات فراہم نہیں کی جا سکتی۔

برازیلی میڈیا کے مطابق حادثے کا شکار ہونے والے جہاز  پر سوار تمام مسافر ہلاک ہو گئے ہیں، جہاز  پر امریکی شہری بھی سفر کر رہے تھے تاہم حکام کی جانب سے مسافروں کی تعداد یا شناخت کو فی الحال ظاہر نہیں کیا گیا ہے۔