پنجاب میں ڈینگی کے 31 نئے مریضوں کی تصدیق 

(عظمت اعوان) پنجاب میں ڈینگی کے کیس میں اضافہ جاری،  لاہور کے مختلف ہسپتالوں میں گزشتہ 24 گھنٹوں میں ڈینگی کے مزید 31 نئے مریض رپورٹ ہوئے۔

لاہورشہر میں ڈینگی کے وار سے 56 مریض مختلف ہسپتالوں میں زیر علاج ہیں۔ جس میں 23 افراد سرکاری ہسپتال جبکہ 18 افراد نجی ہسپتالوں میں ڈینگی بخار سے زیر علاج ہیں۔   

 882 مختلف مقامات سے لاروا برآمد ہوا ہے۔ طبی ماہرین  کا کہنا ہے کہ اگلے تین ماہ ڈینگی کیلئے بہت اہم ہیں، شہری ایس او پیز پر عملدرآمد کریں۔

مزید پڑھیں: ڈرامہ "مائی ری"  میں  اصل حقائق کیا ہیں؟

یاد رہے کہ ڈینگی مچھر صبح روشنی ہونے سے پہلے اور شام میں اندھیرا ہونے سے دو گھنٹے قبل زیادہ متحرک ہوتا ہے، اس کی افزائش آگست سے اکتوبر کے مہینے کے دوران میں ہوتی ہے اور سرد موسم میں ڈینگی کی افزائش نسل رک جاتی ہے۔

ڈینگی کا مرض مچھر کے ذریعے کسی بھی دوسرے شخص کو منتقل ہوسکتا ہے۔  طبی ماہرین کے مطابق  مرض میں مبتلا مریضوں کے خون میں پلیٹیٹس کی تعداد 50 ہزار سے کم ہونے لگے تو وہ علاج کیلئے ہسپتال جائیں ۔