(24نیوز) کورونا وائرس سے 149 افراد جان کی بازی ہار گئے۔ اموات کی تعداد 16 ہزار 243 ہو گئی، چار ہزار 976 نئے مریض بھی رپورٹ ہوئےہیں، 4 ہزار 446 مریضوں کی حالت تشویشناک ہے.
کورونا وائرس کی تیسری لہر نے دنیا بھر میں خوف پھیلا رکھا ہے۔ وائرس سے متاثر 4 ہزار 976 نئے مریض بھی سامنے آگئے۔ ایکٹو کیسز کی تعداد 79 ہزار 108 تک پہنچ گئی ہے۔ ملک میں اب تک 7 لاکھ 50 ہزار 158 افراد جان لیوا وبا سے متاثر ہوئے۔نیشنل کمانڈ اینڈ آپریشن سنٹر کے مطابق سندھ میں 2 لاکھ 71 ہزار 524، خیبرپختونخوا ایک لاکھ 4 ہزار 480 ، پنجاب میں 2 لاکھ 64 ہزار 10 کیسز ہیں۔ اسلام آباد میں 68 ہزار 906، بلوچستان میں 20 ہزار 760، آزادکشمیر میں 15 ہزار 304 مریض ہیں۔ ملک بھر میں مثبت کیسز کی شرح 8.52 رہی۔