کراچی سے کالعدم BLA کا دہشتگرد گرفتار

(24 نیوز)کراچی سے کالعدم تنظیم بلوچ لبریشن آرمی (بی ایل اے ) کادہشت گرد گرفتارکرلیا گیا۔

سی ٹی دی کے ترجمان کے مطابق داہن نامی  دہشت گرد کو کراچی کے علاقے سعید آباد سے گرفتار کیا گیا  جبکہ   گرفتار  دہشت گرد کے قبضے سے غیر قانونی اسلحہ بھی برآمد کیا گیا ہے۔

 گرفتار دہشت گرد پہلے بھی قتل، اقدام قتل اور  پولیس مقابلے کے مقدمات میں گرفتار ہو چکا ، گرفتار ملزم داہن اور اس کا ساتھی شفیع کالعدم تنظیم کے دہشت گردوں کوسہولیات فراہم کرتے ہیں۔

 ترجمان سی ٹی ڈی کاکہنا ہے کہ  دہشت گرد گرفتاری سے بچنے کیلئے  حب میں روپوش رہتے ہیں تاہم اب گرفتاردہشت گرد کی نشاندہی پر محمد شفیع کی گرفتاری کیلئے ٹیم حب روانہ کی جا رہی ہے۔

سی ٹی ڈی ترجمان کے مطابق روپوش دہشت گرد محمد شفیع دہشت گرد بہادر کا بیٹا ہے، بہادر پڑوسی ملک سے کالعدم تنظیم کا سلیپر سیل چلا رہا ہے۔

مزید پڑھیں:کراچی میں نامعلوم افراد کی فائرنگ سے یوسی چیئرمین عامر قتل، آئی جی کا نوٹس