میرا پہلا آپشن مذاکرات،دوسرا اپنایا تو ایران کیلئے بہت برا ہوگا:ڈونلڈ ٹرمپ

(24 نیوز)امریکی صدر  ڈونلڈ ٹرمپ کا ایران پر اسرائیلی حملہ منسوخ کرنے کی امریکی اخبار کی رپورٹ پر ردعمل سامنے آیا ہے۔

امریکی اخبار نیویارک ٹائمز نے  اپنی رپورٹ میں بتایا تھا کہ امریکی صدر ڈونلڈ ٹرمپ نے ایرانی جوہری تنصیبات پر اسرائیلی حملےکی منصوبہ بندی منسوخ کر دی۔

رپورٹ میں کہا گیا کہ ٹرمپ نے ایران کے جوہری پروگرام کو محدود کرنے کے لیے مذاکرات کا راستہ اختیار کرتے ہوئے اسرائیل کے مجوزہ حملے کو روک دیا۔

تاہم صدر ڈونلڈ ٹرمپ  نے امریکی اخبارکی رپورٹ پر ردعمل دیتے ہوئے کہا ہے کہ  یہ نہیں کہوں گا کہ ایران پر اسرائیلی حملہ منسوخ کر دیا۔

مزید پڑھیں:فلوریڈا کی یونیورسٹی میں فائرنگ،6 افراد ہلاک

ٹرمپ نے کہا کہ مجھے  ایران کی جوہری تنصیبات پر فوجی کارروائی کے لیے جلدی نہیں ہے،  کیونکہ میرا خیال ہے کہ ایران کے پاس ایک عظیم ملک بننے کا موقع ہے۔

انہوں نے کہا میرا پہلا آپشن مذاکرات ہے،  اگر دوسرا آپشن اپنایا گیا تو وہ ایران کے لیے بہت برا ہوگا اور میرا خیال ہے کہ ایران بات چیت کرنا چاہتا ہے۔