(ویب ڈیسک)سوئی نادرن گیس کمپنی نے 735 روپے فی ایم ایم بی ٹی یو اضافے کیلئے آئل اینڈ گیس ریگولیٹری اتھارٹی ( اوگرا) میں درخواست دے دی۔
سوئی نادرن گیس کمپنی کے ہیڈ آفس میں گیس کی قیمت میں اضافے کی عوامی سماعت ہوئی،ہوٹل اورٹیکسٹائل سمیت دیگر صارفین نے اضافے کی مخالفت کی۔اس موقع پر ایل این جی ڈائی ورجن کے معاملے پر اوگرا ممبر فنانس اور چیف فنانس افسر سوئی ناردرن کے درمیان تکراربھی ہوئی۔
ممبر فنانس اوگرا نے کہا کہ آپ تیاری کرکے نہیں آئے،سوئی ناردرن گیس حکام نے گھریلو کنکشن سے پابندی ہٹانے کی درخواست کردی اورموقف اختیار کیا کہ مہنگی ایل این جی لے کر سستی فروخت نہیں کرسکتے۔
حکام کے مطابق آر ایل این جی گھریلو کنکشن فوری طور پر کھولے جائیں، گیس کنکشن کی بندش سے ریونیو میں کمی ہورہی ہے، گیس کی قیمت میں اضافے کی اجازت دی جائے تاکہ اخراجات اور توسیعی منصوبے پورے کیے جائیں۔
یہ بھی پڑھیں:یو اے ای کے وزیر خارجہ آئندہ ہفتے پاکستان کا دورہ کریں گے
صارفین کا اس موقع پرکہنا تھا کہ گیس کی قیمتوں میں اضافے سے پہلے ہی پریشان ہیں،متعدد کمرشل صارفین اپنے سوئی گیس کنکشن منقطع کروا چکے ہیں۔