تحریک انصاف کی خاتون رہنما عالیہ حمزہ گرفتار،پولیس سٹیشن منتقل

(ارشاد قریشی) پاکستان تحریک انصاف(  پی ٹی آئی) کی خاتون رہنما اور چیف آرگنائزر   پنجاب عالیہ حمزہ کو راولپنڈی سے گرفتار کرلیا گیا۔ 

  ذرائع کے مطابق عالیہ حمزہ کو وویمن پولیس سٹیشن راولپنڈی منتقل کردیا،عالیہ حمزہ کو چکلالہ  سکیم تھری نورانی محلہ سے گرفتار کیا گیا،عالیہ حمزہ کے ہمراہ شمیم آفتاب کو بھی گرفتار کیا گیا،عالیہ حمزہ ورکرز کنونشن میں شرکت کیلئے آئیں تھیں۔ 

 گرفتاری سے قبل عالیہ حمزہ نےپولیس افسران سے مکالمہ کرتے ہوئے کہا کہ ہم یہاں پی ٹی آئی کے لوگ پرامن طور پر جمع ہوئے ہیں،میں نے 10 منٹ بات کرنی ہے،یہاں کوئی غیر قانونی غیر آئینی کام نہیں ہو رہا،ہم کچھ غلط نہیں کر رہے پر امن ہیں ۔