آئی فون14 کب لانچ ہوگا؟ ایپل نےبڑاعلان کردیا

ویب ڈیسک: ایپل نے اپنا نیا ’آئی فون14‘ رواں سال 7ستمبرکو متعارف کرانے کا اعلان کردیا ہے۔
ایپل 7 ستمبر کو ایک لانچ ایونٹ میں آئی فون 14 کی نقاب کشائی کرنے کی تیاری کر رہا ہے۔ نیا معیاری آئی فون 14 آئی فون 13 کی طرح نظر آئے گا، اگرچہ کمپنی 5.4 انچ منی ورژن کو ختم کرے گی اور 6.7 انچ سکرین کے ساتھ ایک ماڈل شامل کرے گی۔نیز ایپل پہلی مرتبہ اس سائزکے ڈسپلے کے ساتھ ایک  پروآئی فون لانچ کرے گی۔   

کمپنی آئی فون 14 پرولائن کے لیے بڑی تبدیلیوں کی منصوبہ بندی کررہی ہے۔ ایپل فرنٹ فیسنگ کیمرے کے کٹ آؤٹ کی جگہ لے گاجسے نوچ کے نام سے جانا جاتا ہے، فیس آئی ڈی سینسرز کے لیے گولی کی شکل کا سوراخ اور کیمرے کے لیے ہول پنچ سائز کی جگہ ہوگی۔ اس سے صارفین کو قدرے بڑی سکرین ملے گی۔ کمپنی آئی فون 14 پرو میں تیز رفتار چپ بھی شامل کررہی ہے۔دریں اثنا ایپل باقاعدہ آئی فون 14 ماڈلز میں آئی فون 13 سے اے 15 چپ برقرار رکھے گی۔

Everything we know about the iPhone 14 Pro ahead of it’s upcoming launch next month! Are you excited? pic.twitter.com/pJR619Qr0q

— Apple Hub (@theapplehub) August 17, 2022

آئی فون 14 پرو میں سب سے اہم تبدیلیاں کیمرا سسٹم میں ہوں گی، جو صارفین کو قدرے بڑا نظر آئے گا۔ پرو ماڈلز کو 12 میگا پکسل الٹرا وائڈ اور ٹیلی فوٹو سینسرزکے ساتھ 48 میگا پکسل کا وائیڈ اینگل کیمرا ملے گا۔ ایپل ویڈیو ریکارڈنگ اور بیٹری کی میعاد میں بہتری کی منصوبہ بندی بھی کر رہی ہے۔