خاتون پراسیکیوشن افسرکو ہراساں اور تشددکے الزام میں پی ٹی آئی ایم این کیخلاف مقدمہ درج
Stay tuned with 24 News HD Android App
(24نیوز)پاکستان تحریک انصاف (پی ٹی آئی) کے ممبر قومی اسمبلی (ایم این اے) چنگیز خان کاکڑ کے خلاف ویمن تھانے میں مقدمہ درج کرلیا گیا۔
پولیس کے مطابق چنگیز خان کاکڑ کے خلاف خاتون پراسیکیوشن افسر کو ہراساں اور تشدد کا نشانہ بنانے کے الزام میں مقدمہ درج کیا گیا ہے۔ایف آئی آر کے متن کے مطابق چنگیزخان کاکڑ نے ساتھی وکیلوں کے ہمراہ سرکاری دفتر پر دھاوا بولا، چنگیز خان کاکڑ نے ریمانڈ تحریر کرنے پر اعتراض کیا اور جان سے مارنے کی دھمکیاں دیں۔
اس حوالے سے پی ٹی آئی ایم این اے چنگیز خان کاکڑ کا مؤقف ہےکہ بغیر تحقیقات میرے اور سینئر وکلا کے خلاف بے بنیاد مقدمہ درج کیا گیا، ایف آئی آر میں لگائے گئے تمام الزامات من گھڑت اور جھوٹے ہیں۔
یہ بھی پڑھیں:ٹریفک وارڈنز کی حاضردماغی، مغوی لڑکے کو بازیاب کرالیا