اسرائیلی فوج ، سرحد ی خلاف ورزی پر مرغی گرفتار کر لی

(24نیوز)لبنانی بچہ اپنے بھائی کے ساتھ ایک دن پہلے ہی پالنے کے لیے مرغیاں لے کر آیا تھا۔ اسرائیلی فوج نے سرحد کی خلاف ورزی پر  مرغی کو حراست میں لے لیا۔

خلیجی خبر رساں ادارے کے مطابق جیسے ہی بچے کی مرغی نے لبنان اور اسرائیل کی درمیانی سڑک پار کی  اسرائیلی فوجی گھبراہٹ کا شکار ہوگئے اور ہوائی فائرنگ شروع کردی۔ذرائع نے بتایا کہ وہ اپنے بھائی کے ساتھ گھر پر پالنے کے لیے ایک روز پہلے ہی مرغیاں لے کر آیا تھا۔

صبح کے وقت جب وہ دانہ ڈالنے کے لیے مرغیوں کے ڈربے کے پاس پہنچا تو ان میں سے ایک مرغی نے اسرائیلی سرحد کی جانب دوڑ لگادی۔  شرتونی کے گھر سے صرف 70 میٹر کے فاصلے پر اسرائیلیوں کی لگائی گئی باڑ کے نزدیک جیسے ہی یہ مرغی پہنچی تو اسرائیلی گھبرا گئے کیوں کہ وہاں نصب سینسرز سے انہیں اطلاع ملی کہ کوئی سرحد عبور کررہا ہے۔ یہ اشارہ ملتے ہی انہوں نے ہوائی فائرنگ شروع کردی۔مقامی ذرائع  نے بتایا کہ اس کی مرغی سرحد عبور کرگئی اور ابھی تک واپس نہیں آئی، اس کی مرغی اسرائیلی فوجیوں نے رکھ لی ہے  اور وہ اپنی مرغی ہر صورت واپس لانا چاہتا ہے۔