(24نیوز) نوکری کا جھانسہ دیکر نوجوان کا گردہ نکلوانے والے ملزم کو گرفتار کرلیا گیا، جنرل اسپتال کے ڈرائیور نذیر نے بلال کا گردہ نکلوا دیا تھا۔
تفصیلات کے مطابق لاہور میں پولیس نے نوکری کا جھانسہ دیکر نوجوان بلال کا گردہ نکلوانے والے ملزم نذیرکو گرفتار کرلیا، کاہنہ پولیس نے ڈرائیور نذیر کو حراست میں لیا۔ایس ایس پی احسن سی کا کہنا ہے کہ ملوث خاتون سمیت 4ملزمان کی تلاش جاری ہے۔گذشتہ روز لاہور کے علاقے کاہنہ میں 20 سالہ نوجوان کو جنرل ہسپتال کے ڈرائیور نے نوکری کا جھانسہ دے کر خون کے نمونے لیے اور کچھ روز بعد اغوا کرکے گردہ نکال لیا۔
پولیس کا کہنا تھا کہ متاثرہ نوجوان کے والد کی مدعیت میں مقدمہ درج کرلیا گیا ہے، گردہ نکالنے کی واردات میں خاتون سمیت 5 ملزمان ملوث ہیں۔ذرائع کے مطابق جنرل ہسپتال کا عملہ مبینہ طور پر گردہ فروشی کے کام میں ملوث ہے، 20 سالہ بلال کو نوکری کا جھانسہ دیا گیا تھا کچھ روز بعد بیہوش کرکے گردہ نکال لیا گیا۔پولیس نے مقدمے میں جنرل ہسپتال کے ڈرائیور نذیر کو بھی نامزد کیا تھا۔پولیس کا کہنا تھا کہ گردہ فروشی میں ملوث ملزمان کو جلد گرفتار کرلیا جائے گا، ملزمان قانون کی گرفت سے نہیں بچ سکیں گے۔