شاہینوں کی کیویز کے دیس میں نچلی پرواز،پہلا ٹی 20 ہار گئے !!!

(24نیوز)نیوزی لینڈ نے پہلے ٹی 20 میچ میں پاکستان کو 5 وکٹوں سے پچھاڑ دیا۔ نیوزی لینڈ کو جیت کے لیے 154 رنز کا ہدف ملا  جو انہوں نے 19ویں اوور میں پورا کرلیا ۔ پاک نیوزی لینڈ دوسرا ٹی ٹوئنٹی  معرکہ 20 دسمبر کو ہوگا۔

نیوزی لینڈ کے شہر آکلینڈ میں کھیلے گئے پہلے میچ میں کیویز نے 154 رنز کے ہدف کے تعاقب میں اننگز کا  آغاز کیا۔مارٹن گپٹل  گپٹل 6 رنز بنان کر شاہین آفریدی کا شکار بنے جس کے بعد ڈیون کونوے   5 رنز

بنا کر حارث رؤ ف کی گیند کا شکار بن گئے۔گلین فلپس اور ٹم سیفرٹ کے درمیان اچھی پارٹنرشپ قائم کی، فلپس 23 رنز بناکر چلتے بنے تاہم سیفرٹ کریز پر ڈٹے رہے اور مارک چیپمین کیساتھ شراکت قائم کرتے ہوئے ٹیم کی فتح میں اہم کردار ادا کیا۔

A fifty from Tim Seifert and useful knocks from the middle-order batsmen guide New Zealand to a five-wicket win in the first T20I ???? #NZvPAK SCORECARD ???? https://t.co/sBocSjjO8S pic.twitter.com/AQAAtZqe4I

— ICC (@ICC) December 18, 2020

چیپمین 34 رنز بنانے کے بعد آؤٹ ہوئے جبکہ سیفرٹ  57 رنز بناکر پویلین لوٹے۔قومی ٹیم کی جانب سے حارث رؤف نے 3 اور شاہین آفریدی نے 2وکٹیں حاصل کیں۔

Third wicket for Haris Rauf ☝️

Mark Chapman is trapped in front on 34!

Advantage Pakistan?#NZvPAK, 1st T20I ???? https://t.co/sBocSjjO8S pic.twitter.com/Gcg6tOo5vi

— ICC (@ICC) December 18, 2020

اس سے قبل پاکستان نے ٹاس جیت کا بیٹنگ کا آغاز کیا تو بلے بازابتدا سے ہی مشکلات کا شکار رہے۔ٹاپ آرڈر ایک بار پھر اچھی کا رکردگی  نہ دکھا سکا ۔پروفیسر حفیظ اور عبداللہ شفیق صفر پر پویلین لوٹ گئے۔ محمد رضوان 17 جبکہ حیدر علی صرف 3 رنز ہی بنا سکے۔

It's Ish Sodhi's turn to join the party ☝️

He gets Khushdil Shah for 16!

How many will Pakistan end up with?#NZvPAK pic.twitter.com/cVAOwiNNcl

— ICC (@ICC) December 18, 2020

کپتان شاداب خان نے ذمہ دارانہ بیٹنگ کرتے ہوئے ٹیم کو سہارا دیا اور عماد وسیم کے ساتھ 40 رنز کی پارٹنر شپ  قائم کی، عماد وسیم 19 رنز بنا کر آؤٹ ہوئے۔ شاداب خان 42 رنز بنا کر پویلین لوٹے، ان کی اننگز میں 3 چھکے اور 2 چوکے بھی شامل ہیں۔ آل راؤنڈر فہیم اشرف نے جارحانہ انداز میں بٹینگ کرتے ہوئے 18 گیندوں پر 3 چھکوں اور 2 چوکوں کی مدد سے 31 رنز بنائے۔واضح رہے کہ پاکستان ٹی ٹوئنٹی فارمیٹ میں نیوزی لینڈ  پر برتری رکھتا ہے۔ دونوں ٹیمیں اب تک 21 مرتبہ ایک دوسرے کے آمنے سامنے آچکی ہیں جس میں 13 میچز پاکستان نے جیتے اور نیوزی لینڈ 8 میں کامیاب ہوئی ۔پاکستان کا نیوزی لینڈ کے خلاف سب سے زیادہ سکور 201 جبکہ  سب سے کم سکور 101 ہے۔

 یادرہے کہ بابر اعظم انگوٹھے کی انجری کے باعث ٹی 20 سیریز کا حصہ نہیں،تاہم وہ اسٹیڈیم میں بیٹھ  کو کھلاڑیوں کا حوصلہ  بڑھاتے رہے۔

Cheering for his team ????#NZvPAK pic.twitter.com/rG8r1k4TWA

— ICC (@ICC) December 18, 2020

تین میچوں کی سیریز کے بقیہ دو میچز 20 اور 22 دسمبر کو کھیلے جائیں گے۔