پیپلز پارٹی  کی بلاول بھٹو سے یکجہتی  کیلئے ریلیاں

(24 نیوز)سیکرٹری جنرل پیپلز پارٹی نیئر بخاری  نے کہا ہے کہ مودی کو للکارنے پر بلاول بھٹو کی قوم حمائت کرتی ہے،یہ دلیرانہ قدم  صرف بھٹو کا نواسہ اٹھا سکتا تھا،بلاول بھٹو کے بیان نے ہندوستان میں بے چینی پیدا کر دی ہے ۔

پیپلز پارٹی  نے بلاول بھٹو سے یکجہتی  کیلئے ریلی نکالی ،ریلی سے خطاب کرتے ہوئے نیئر بخاری نے کہا کہ پی پی پی کا ہمیشہ یہی موقف تھا ،جو موقف آج بلاول بھٹو زرداری کا ہے،ذوالفقار علی بھٹو نے مزاکرات کے ذریعے اندا گاندھی کو شکست دی ،نوے ہزار قیدی آزاد کرائے اور پاکستان کی  زمین واپس لی  ،ہزاروں عورتوں کی عصمتیں لوٹی گئیں،اسی لئے بلاول نے مودی کو قصائی قرار دیا،قوم یکجا اور یکسو ہے بلاول بھٹو قدم بڑھاؤ ہم۔تمھارے ساتھ ہیں ،مودی کا جو یار ہے غدار ہے غدار ہے قوم کا نعرہ بن چکا ہے۔

ضرور پڑھیں :بلاول بھٹو نے بھارت کی دکھتی رگ پر ہاتھ رکھ دیا، انتہا پسند ہندو سیخ پا

انہوں نے کہا کہ بلاول بھٹو زرداری نے بیرون ملک اپنے نانا اور والدہ کے موقف کو تقویت دی ہے اور کشمیریوں کی حق خود ارادیت پر قائم ہے قائم رہے گی۔

عمرکوٹ میں وزیرخارجہ بلاول بھٹو زرداری کے خلاف بھارت میں مودی کے حامیوں کی جانب سے کئے گئے احتجاج اور نازیباالفاظ استعمال کرنے پر عمرکوٹ کے شہری بھی سراپا احتجاج
وھیرو بائی پاس سے پیپلزپارٹی کے زیرقیادت احتجاجی ریلی نکالی گئی pic.twitter.com/RoGTdzR3DI

— 24 News HD (@24NewsHD) December 18, 2022

بلاول بھٹو کی جانب سے پاکستان میں بھارت کی دہشت گرد سرگرمیوں اور  مئلہ کشمیر کو عالمی فورمز میں اٹھانے بی جے پی نے گزشتہ روز بلاول بھٹو کے خلاف مظاہرے کیے تھے،پیپلز پارٹی بھارت میں ہونے والے مظاہروں کے جواب میں بلاول بھٹو سے آج یکجہتی کا اظہار کر رہی ہے۔