(24 نیوز )بھارت کے سٹار سپنر روی چندرن ایشون نے انٹرنیشنل کرکٹ سے ریٹائرمنٹ کا اعلان کر دیا۔
روی چندرن ایشون نے آسٹریلیا کے خلاف تیسرے ٹیسٹ میچ کے بعد ریٹائرمنٹ کا اعلان کیا ہے۔
بھارت کے سٹار سپنر ایشون نے 106 ٹیسٹ میچز میں بھارت کی نمائندگی کی، انہوں ٹیسٹ کیریئر میں 537 وکٹیں اپنے نام کیں۔
روی چندرن ایشون نے 116 ون ڈے اور 65 ٹی ٹوئنٹی میچز میں بھی بھارت کی نمائندگی کی ہے۔
اس حوالے سے ایشون کا کہنا ہے کہ کرکٹ کے اس سفر میں جس نے بھی ساتھ ان سب کا شکریہ، تمام فارمیٹ میں بطور کرکٹر یہ میرا آخری دن تھا۔
انہوں نے کہا کہ اپنے کیریئر کے دوران بہت انجوائے کیا اور کئی یادگار یادیں ہیں، یہ میرے لیے کافی جذباتی لمحہ ہے۔
دوسری جانب بھارتی کرکٹ بورڈ کی جانب سے ایشون کو ریٹائرمنٹ پر خراج تحسین پیش کرتے ہوئے زبردست کیریئر پر ایشون کو مبارک دی گئی۔