(ویب ڈیسک)نامور امریکی اداکار ٹام کروز کو امریکی بحریہ کی جانب سے اعلیٰ ترین سول اعزاز سے نوازدیا گیا۔
غیر ملکی میڈیا کے مطابق ہالی ووڈ اداکار کوڈیپارٹمنٹ آف نیوی ڈسٹنگویشڈ پبلک سروس ایوارڈ سے نوازا گیا، جس میں ٹاپ گن اداکار کی امریکی بحریہ کے لیے ان کے مشہور فلمی کرداروں کے ذریعے لازوال خدمات کو سراہا گیا۔
امریکی بحریہ کے سیکرٹری کارلوس ڈیل ٹورو نے ٹام کروزکو ایوارڈ پیش کرتے ہوئے کہا کہ ٹام کروز کو کئی فلموں کے ذریعے کئی دہائیوں تک بحریہ کی وکالت کے لیے ڈیفنس پبلک سروس ایوارڈ سے نوازنا اعزاز کی بات ہے،اداکار کے کام نے نئی نسل کو ہماری بحریہ اور میرین کور میں خدمات انجام دینے کی ترغیب دی ہے۔
ٹاپ گن اسٹار اعلیٰ ایوارڈ وصول کرتے ہوئے جذباتی ہوگئے،انہوں نے تقریب کے دوران ایک جذباتی تقریر کی جس میں قیادت اورخدمت کی اہمیت پر روشنی ڈالتے ہوئے کہا کہ میں زندگی میں ایک بات جانتا ہوں جو میرے لیے بہت سچی ہے کہ قیادت کرنا خدمت کرنا ہے اور میں اسے اپنے دل سے جانتا ہوں۔
ٹام کروز نے سول ایوارڈ سے نوازے جانے پر اظہار تشکر کرتے ہوئے اپنے اردگرد موجود خدمت گزاروں اور خواتین کریو کی بھی تعریف کرتے ہوئے ان کی قربانیوں اور لگن کو اجاگر کیا۔
یہ بھی پڑھیں:ندا یاسرنے اپنے شوہر کو مزید 3 شادیوں کی اجازت دے دی
واضح رہے کہ ڈی پی ایس ایوارڈ بحریہ کے محکمے سے باہر کسی شہری کو عطا کیا جاسکتا ہے۔