بھارت نے سکھ یاتریوں کو پاکستان آنے سے روک دیا

 (24نیوز)مودی سرکار آپے سے باہر  ہو گئی ۔کسانوں پر پھر نئی پابندی لگا دی. ویزہ ہونے کے باوجود 700 سکھ یاتریوں کو پاکستان آنے سے روک دیا۔

ہندوستان میں کسانوں کی مشکلات میں مزید اضافہ کر دیا گیا ۔سکھ رہنماامیر سنگھ نے کہا کہ بھارت نے سکھوں کو ساکہ ننکانہ صاحب کی 100 سالہ تقریب میں شرکت سے روک دیا ہے، عالمی سکھ برادری بھارت پر یاتریوں کی آمد کے لئے دباؤ ڈالے۔انہوں نے مزید کہا کہ مودی  سرکارکسانوں کو تنگ کرنا چھوڑ دے۔ 

خیال رہے کہ اس سے پہلے بھی بھارت کئی بار سکھ یاتریوں کو ویزے ہونے کے باوجود پاکستان میں اپنی مذہبی رسومات کی ادائیگی میں شرکت سے روک چکا ہے۔