(24نیوز) اٹک کے علاقے فتح جنگ کے قریب بس اور ٹریلر میں تصادم کے نتیجے میں 5 افراد جاں بحق جبکہ 19 زخمی ہوگئے، زخمیوں اور لاشوں کو فوری طور پرہسپتال منتقل کر دیا گیا۔
تحصیل فتح جنگ کھوڑ روڈ کے علاقے 7 میل کے قریب ٹریلر اور بس میں تیز رفتاری اور لاپرواہی کے باعث تصادم ہوا۔اطلاع ملنے پر ریسکیو 1122 کی 5 ایمبولینسز جائے وقوعہ پر پہنچی، جہاں انہوں نے لاشوں اور زخمیوں کو طبی امداد دینے کے بعد تحصیل ہسپتال فتح جنگ منتقل کر دیا۔