کراچی کی سیٹ نکال کربنی گالہ کی نیندیں حرام کردیں،بلاول بھٹو

(24نیوز)چیئرمین پیپلزپارٹی بلاول بھٹو زرداری کاکہناہے کہ کراچی کی سیٹ نکال کربنی گالہ کی نیندیں حرام کردی ہیں،پی ایس 88کے عوام نے بتادیاکراچی بھٹوکاہے۔
بلاول بھٹو زرداری نے تقریب سے خطاب کرتے ہوئے کہاکہ اگلے الیکشن میں آپ کی ضمانتیں ضبط ہوں گی،اتنی بڑی لیڈسے سلیکٹرز پریشان ہیں،حکومت کوہرمیدان میں شکست دے رہے ہیں، یہ پرسکون تھے اپوزیشن ضمنی اورسینیٹ الیکشن کابائیکاٹ کردےگی۔
چیئرمین پیپلزپارٹی نے کہاکہ پی ڈی ایم نے سیاسی کارڈکھیلے،سینیٹ انتخابات میں دھاندلی کی اجازت نہیں دیں گے،کسی کوچوردروازے سے اکثریت دلوانے کی اجازت نہیں دیں گے،ان کاکہناتھا کہ حکومت ہرادارے کومتنازع بنارہی ہے،پی ٹی آئی کاعدالت میں ریفرنس اپنے ارکان کیخلاف عدم اعتمادہے،تحریک انصاف کے ممبران کونظرآرہاہے حکومت جارہی ہے،تحریک انصاف کے ممبران پیپلزپارٹی کے پاس آرہے ہیں،ہم کسی کوووٹ پرڈاکہ ڈالنے کی اجازت نہیں دیں گے۔