(24 نیوز ) کراچی پولیس آفس پر دہشتگردوں کی جانب سے حملے کے بعد پی سی بی اور پی ایس ایل فرنچائز مالکان نے فیصلہ کیا ہے کہ پی ایس ایل کے تمام میچز اپنے شیڈول کے مطابق طے شدہ وینیو پر ہی ہوں گے ۔
تفصیلات کے مطابق پاکستان سپر لیگ فرنچائز مالکان نے اس بات پر اتفاق کیا ہے کہ پی ایس ایل 8 کے میچز شیڈول کے مطابق جاری رہیں گے ، آج کراچی کنگز اور کوئٹہ گلیڈی ایٹرز کے درمیان ہونے والا میچ بھی وقت پر شروع ہوگا۔
واضح رہے کہ گزشتہ شام کراچی پولیس آفس پر دہشتگردوں کی جانب سے حملہ کیا گیا تھا ، جس پر اب پی ایس ایل انتظامیہ اور فرنچائز مالکان کے درمیان اجلاس ہوا ہے جس میں کہا گیا ہے کہ واقع کا براہ راست پی ایس ایل سے کوئی تعلق نہیں ہے ۔