ٹورنٹو میں ائیرپورٹ پر مسافر طیارہ لینڈنگ کے دوران اُلٹ گیا
Stay tuned with 24 News HD Android App
(24 نیوز )کینیڈا کے شہر ٹورنٹو میں پیئرسن ائیرپورٹ پر مسافر طیارہ لینڈنگ کے دوران اُلٹ گیا جس کی ویڈیو سامنے آگئی ۔
غیر ملکی میڈیا رپورٹس کے مطابق پیرکو منیاپولس سے ٹورنٹو جانے والا طیارہ پیئرسن انٹرنیشنل ائیرپورٹ پر ہنگامی لینڈنگ کے دوران اُلٹ گیا۔طیارے میں تقریباً 80 مسافر سوار تھے۔
ائیرپورٹ انتظامیہ کا کہنا ہے کہ طیارے میں سوار مسافر اور عملے کی معلومات لی جارہی ہیں جبکہ کینڈین پولیس کے مطابق زیادہ تر مسافر طیارے سے بحفاظت نکل چکے ہیں۔
مزید پڑھیں:امریکا میں ایک اور طیارہ حادثے کا شکار
غیر ملکی میڈیا رپورٹس کے مطابق لینڈنگ کے دوران ایک بچے سمیت کم از کم 15 افراد زخمی ہوئے۔2 زخمیوں کی حالت نازک ہے جبکہ دیگر محفوظ رہے۔ حادثہ کی وجہ جاننے کی کوشش جاری ہے۔
ٹورنٹو پیئرسن ائیرپورٹ حکام نے بیان میں کہا کہ طیارے کی لینڈنگ کے دوران پیش آنے والے واقعے سے آگاہ ہیں، ایمرجنسی ٹیمیں کام کررہی ہیں۔
رپورٹس کے مطابق ہنگامی عملے نے طیارے کو گھیر لیا اور آگ لگنے سے بچانے کے لیے اس پر اسپرے کیا۔