چیمپئنز ٹرافی کے اب تک عالمی سطح پر 8 مقابلے ہو چکے ہیں، جن میں سے آسٹریلیا اور بھارت نے 2-2 مرتبہ کامیابی حاصل کی جبکہ پاکستان نے 2017 میں سرفراز کی قیادت میں ٹرافی اپنے نام کی۔
1998 میں چیمپئنز ٹرافی کا افتتاحی ایڈیشن جنوبی افریقا کے نام رہا، فائنل میں ویسٹ انڈیز 4 وکٹوں سے ناکام رہی، 2000 میں نیوزی لینڈ کی قسمت جاگی اور بھارت کے خلاف 4 وکٹوں سے فتح سمیٹ کر میلہ لوٹا۔
2002 کا فائنل بارش کی نذر ہوا، بھارت اور سری لنکا کو مشترکہ فاتح قرار دیا گیا، 2004 میں ویسٹ انڈیز نے میدان مارا، دلچسپ مقابلے میں انگلینڈ کو زیر کیا۔
2006 اور 2009 میں آسٹریلوی ٹیم چھا گئی، بیک ٹو بیک ٹائٹل جیتنے والی پہلی ٹیم بنی، اس کے بعد 2013 میں بھی انگلش ٹیم چونک گئی، بھارت نے 5 رنز سے کامیابی سمیٹ کر دوسرا ٹائٹل لیا، اسی طرح 2017 میں سرفراز احمد کی قیادت میں پاکستان سرخرو رہا، فائنل میں بھارت کو عبرتناک شکست کا سامنا کرنا پڑا۔
پاکستان کی میزبانی میں آئی سی سی مینز چیمپئنز ٹرافی 2025 کا آغاز 19 فروری سے ہونا ہے، یہ ٹورنامنٹ 9 مارچ کو فائنل میچ کے ساتھ اختتام پذیر ہوگا، یہ چیمپئنز ٹرافی کا 9واں ایڈیشن ہے۔
اس سے قبل چیمپئنز ٹرافی کے 8 ایڈیشن کھیلے جا چکے ہیں، اس ٹورنامنٹ میں ہندوستانی کرکٹ ٹیم اپنے تمام میچ دبئی میں کھیلے گی کیونکہ ہندوستانی ٹیم پاکستان کا دورہ نہیں کر رہی ہے، باقی تمام ٹیمیں پاکستان میں اپنے میچ کھیلتی نظر آئیں گی۔
ٹورنامنٹ میں 8 ٹیمیں شرکت کر رہی ہیں جن میں پہلی بار کھیلنے والی افغانستان بھی شامل ہے، ان 8 ٹیموں کو 4 کے دو گروپس میں رکھا گیا ہے، اس ٹورنامنٹ کے آغاز سے قبل ہم آپ کو ان ٹیموں کے بارے میں بتانے جا رہے ہیں جنہوں نے چیمپئنز ٹرافی میں سب سے زیادہ میچز جیت رکھے ہیں۔
پاکستان کی میزبانی میں ہونے والے آئی سی سی چیمپئینز ٹرافی کے آغاز میں محض 14 روز باقی رہ گئے ہیں، ایسے شائقین کرکٹ و سابق کرکٹرز اپنی اپنی ٹیموں کی جیت کے دعوے کررہے ہیں۔
ٹورنامںٹ میں شریک دفاعی چیمپئین پاکستان ہوم گراؤنڈ پر ٹائٹل کا دفاع کرنے کے لیے تیار ہے تاہم انہیں آسٹریلیا، بھارت، انگلینڈ اور نیوزی لینڈ جیسی ٹیموں کے مدمقابل آنا ہوگا۔
روایتی حریف پاکستان اور بھارت کا میچ نہایتی اہم ہوگا، یہ مقابلہ دونوں ٹیموں کے مستقبل کا فیصلہ بھی کرے گا۔چیئرمین پی سی بی کا اہم اقدام، پاک بھارت میچ کیلئے 4 لاکھ ڈالرز کا باکس ٹھکرا دیا۔
ٹورنامنٹ میں کینگروز کی جیت کا تناسب 60 فیصد ہے جبکہ بھارت 29 میں سے 18 میچز جیتے ہیں جس میں ان کا جیت کا تناسب 69.2 فیصد کے ساتھ موجود ہیں، بھارت نے چیمپئنز ٹرافی 2002 اور 2013 میں جیتی تھی جبکہ 2017 کے فائنل میں انہیں پاکستان سے شکست کا منہ دیکھنا پڑا تھا۔
رواں برس میزبان پاکستان، ایونٹ میں ٹائٹل کا دفاع کرے گا، پاکستان 23 میں سے صرف 11 مقابلے جیتے ہیں جبکہ گرین شرٹس کی جیت کا تناسب 47.8 فیصد ہے اگرچہ پاکستان نے 2017 میں ایونٹ کا ٹائٹل اپنے نام کیا تھا۔