بالائی اضلاع میں موسم شدید سرد، مطلع جزوی ابر آلود رہے گا

(24نیوز)محکمہ موسمیات کا کہنا ہے کہ کل صبح کے اوقات میں اسلام آباد اور گرد و نواح میں بعض مقامات سمیت راولپنڈی ، منڈی بہاوالدین ،گوجرانوالہ، لاہور، خوشاب، نورپورتھل میں دھند کا امکا ن ہے۔
 تفصیلا ت کے مطا بق سرگودھا، فیصل آباد، سیالکوٹ، نارووال، گجرات، ٹوبہ ٹیک سنگھ، جوہر آباد میں بھی دھند کی توقع ہے۔ بالائی اضلاع میں موسم شدید سرد اور مطلع جزوی ابر آلود رہے گا۔ سندھ کے بیشتر علاقوں میں موسم سرد اور خشک رہے گا۔ بلوچستان کے بیشتر اضلاع میں بھی موسم سرد اور خشک رہے گا جبکہ شمالی پہاڑی علاقوں میں موسم شدید سرد رہے گا۔ آج ریکارڈ کئے گئے درجہ حرارت میں اسکردو منفی14،گوپس ،استور،لہہ منفی 12 ڈگری سینٹی گریڈ رہا۔ بگروٹ منفی 07 ،گلگت، ہنزہ ،06 ، پاراچنار ، شوپیاں اورزیارت میں منفی 05 ڈگری سینٹی گریڈریکارڈ کیا گیا۔ اسلام آباد 02، لاہور 04،کراچی 10، پشاور 04 ڈگری سینٹی گریڈ ریکارڈ کیا گیا۔