سرکاری نوکری کیلئے اردو زبان کی پابندی ختم

 (ویب ڈیسک)مقبوضہ کشمیر میںلداخ کے ایک محکمے میں سرکاری ملازمت کیلئے اردو زبان کی سرکاری حیثیت ختم کردی گئی۔میڈیارپوررٹس کے مطابق گزشتہ 130سال سے زیادہ عرصے سے لداخ کی سرکاری زبان اردو رہی ہے لیکن لداخ کے ایڈمنسٹریٹر نے ایک حکم نامہ جاری کیا جس کے مطابق ریونیو ڈیپارٹمنٹ میں ملازمت کے شوقین افراد کی اردو زبان میں مہارت ضروری نہیں۔
بھارتی حکمراں جماعت بھارتیہ جنتا پارٹی کے لداخ کے رکن پارلیمنٹ جمیانگ تسیرنگ نے اس فیصلے کا فوری طور پر خیرمقدم کرتے ہوئے کہا کہ لداخ میں اردو کا استعمال امتیازی تھا، یہاں کوئی قبیلہ اور کوئی برادری اردو کو نہیں مانتی اورنہ ہی یہ کسی کی مادری زبان ہے، یہاں تک کہ یہاں کے مسلمان بھی اردو نہیں بولتے۔انہوں نے کہا کہ اب لداخ ریونیو ڈپارٹمنٹ میں بھرتی کے لئے اردو زبان کا جاننا لازمی نہیں ہے۔دوسری جانب لداخ کے مسلمان ریونیو ڈپارٹمنٹ سے اردو زبان کی سرکاری حیثیت ختم کئے جانے پر مقامی حکومت پر تنقید کررہے ہیں۔
 یہ بھی پڑھیں۔ برڈ فلو پھیل گیا۔۔۔ درجنوں پولٹری فارم بند