رونالڈو اور میسی کو آمنے سامنے دیکھنے کیلئے ٹکٹ 1 کروڑ ریال میں فروخت

(ویب ڈیسک) کرسٹیانو رونالڈو اور لیونل میسی کے کلبز کے مابین کھیلے جانے والے دوستانہ میچ کا خصوصی ٹکٹ 1 کروڑ ریال میں فروخت کردیا گیا۔

بین الاقوامی میڈیا رپورٹ کے مطابق کرسٹیانو رونالڈو اور لیونل میسی کے درمیان ہونے والے دوستانہ میچ کو دیکھنے کیلئے ایک خصوصی ٹکٹ بولی کیلئے پیش کیا گیا جس کی قیمت 10 ملین ریال یعنی 2.66 ملین ڈالرز تک پہنچ گئی تھی۔

مبروك … أعلى عرض بمزاد التذكرة الخيرية “فوق الخيال" … اللي قدمه رجل الأعمال العقاري مشرف الغامدي @mushref999 المدير العام لـ #عقار1 … ريع التذكرة كاملًا لإحسان @EhsanSA ????❤️#موسم_الرياض pic.twitter.com/3XART4ngbf

— TURKI ALALSHIKH (@Turki_alalshikh) January 17, 2023

میچ کے اس خصوصی ٹکٹ کی بولی 17 جنوری تک جاری رہی۔

اس خصوصی ٹکٹ کو نامور سعودی کاروباری شخصیت مشرف الغامدی نے خریدا۔ اس ٹکٹ کی فروخت سے حاصل ہونے والی رقم سعودی عرب کے احسان فنڈ کے ذریعے فلاحی کاموں کیلئے استعمال کی جائے گی۔

جزيل الشكر للأستاذ (مشرف الغامدي) @mushref999
على مبادرته بالتبرع لتذكرة فوق الخيال بمبلغ (10,000,000) ريال التي يعود ريعها إلى مستفيدي #منصة_إحسان
تقبل الله صالح أعمالكم وجزيل إحسانكم. pic.twitter.com/FawimgxRjq

— منصة إحسان (@EhsanSA) January 17, 2023

اس خصوصی ٹکٹ کے خریدار کو دوستانہ میچ کے بعد اختتامی تقریب میں شرکت کرنے، ڈریسنگ روم میں داخل ہونے، کرسٹیانو رونالڈو اور لیونل میسی سے ملنے کا موقع بھی ملے گا۔

واضح رہے کہ کرسٹیانو رونالڈو اور لیونل میسی دسمبر 2020ء کے بعد اب ریاض میں 19 جنوری کو پہلی بار آمنے سامنے ہوں گے۔

 اس دوستانہ میچ میں کرسٹیانو رونالڈو النصر کلب جبکہ لیونل میسی پیرس سینٹ جرمن (پی ایس جی) کی جانب سے کھیلیں گے۔