کرس گیل کے بعد کیرون پولارڈ کا ٹی ٹونٹی میں چھکوں کا ریکارڈ

(24 نیوز) ویسٹ انڈین کرکٹر کیرون پولارڈ ٹی20 کرکٹ کیرئیر میں 900 چھکے لگانے والے دنیا کے دوسرے بلےباز بن گئے۔

 دبئی انٹرنیشنل سٹیڈیم میں 16 جنوری کو آئی ایل ٹی20 لیگ میں ایم آئی ایمریٹس اور ڈیزرٹ وائپرز کے درمیان میچ میں پولارڈ نے اپنے کیریئر میں 900 چھکے لگانے کا اعزاز حاصل کیا،پولارڈ 19ویں اوور کی پہلی گیند پر چھکا لگا کر ٹی20 کرکٹ میں دوسرے سب سے زیادہ چھکے لگانے والے بیٹر بھی بن گئے۔

ان کے علاوہ ہم وطن کرس گیل 1 ہزار 56 چھکوں کیساتھ پہلے نمبر پر موجود ہیں، جنہوں نے یہ کارنامہ محض 455 اننگز میں انجام دیا تھا،ٹی20 کرکٹ میں سب سے زیادہ چھکےلگانے والوں میں آندرے رسل 456 اننگز میں 727 چھکوں کے ساتھ تیسرے نمبر پر ہیں، نکولس پوران 592 کولین منرو 550 چھکوں کے ساتھ  بالترتیب چوتھے اور پانچویں نمبر پر ہیں۔

مزید پڑھیں:انگلش کرکٹر گھر پر حملے کے بعد ملک چھوڑ کر دبئی منتقل

پولارڈ نے دنیا بھر میں ٹی 20 لیگز میں ٹائٹل جیتے ہیں اور وہ ویسٹ انڈیز کے سکواڈ کا حصہ تھے جس نے 2016 ورلڈکپ ٹرافی اٹھائی تھی۔ انہوں نے 690 ٹی20 میچز میں 13 ہزار 429 رنز بنائے اور 326 وکٹیں حاصل کیں۔