حنا پرویز بٹ نے ن لیگ کی ہار پر ردعمل جاری کر دیا

(ویب ڈیسک )پاکستان مسلم لیگ ن کی رہنما اور رکنِ صوبائی اسمبلی حنا پرویز بٹ کی جانب سے تحریکِ انصاف کی جیت اور ن لیگ کی ہار پر ردِ عمل کا اظہار کیا گیا ہے۔پنجاب میں ضمنی الیکشن سے کچھ دن قبل ہی چیئرمین پی ٹی آئی عمران خان کو ’روندو‘ قرار دینے والی حنا پرویز بٹ نے اعلیٰ ظرفی کا مظاہرہ کرتے ہوئے اپنی جماعت کی ہار کو کھلے دل سے تسلیم کر لیا۔

تفصیلات کے مطابق سوشل میڈیا پر متحرک رہنے والی ن لیگی کارکُن نے پاکستان تحریکِ انصاف کی جیت کے بعد متعدد ٹوئٹس کیے ہیں۔

میں پی ٹی آئی کی قیادت اور کارکنوں کو جیت پر مبارکباد پیش کرتی ہوں، ہار جیت زندگی کا حصہ ہے، لیگی کارکنوں کو مایوس نہیں ہونا،انشااللہ شیر bounce back کرے گا۔۔۔شیر انشااللہ جلد اک واری فیر ????

— Hina Parvez Butt (@hinaparvezbutt) July 17, 2022

حنا پرویز بٹ کا اپنے ایک ٹوئٹ میں کہنا ہے کہ ’میں پی ٹی آئی کی قیادت اور کارکنوں کو جیت پر مبارک باد پیش کرتی ہوں۔

ان کا کہنا ہے کہ ہار جیت زندگی کا حصہ ہے، لیگی کارکنوں کو مایوس نہیں ہونا، ان شاء اللّٰہ شیر دوبارہ آئے گا۔

سیاست کو سیاست رہنا چاہیے دشمنی نہیں بنانا چاہیے، بعض اوقات سیاست میں تلخی بھی آتی ہے مگر آخر میں ہم سب پاکستانی ہیں، احترام قائم رہنا چاہیے۔۔۔ایک دوسرے کو سننے کی برداشت پیدا کرنی چاہیے۔۔۔

— Hina Parvez Butt (@hinaparvezbutt) July 17, 2022

ایک اور ٹوئٹ میں انہوں نے کہا ہے کہ ’سیاست کو سیاست رہنا چاہیے، دشمنی نہیں بنانا چاہیے، بعض اوقات سیاست میں تلخی بھی آتی ہے مگر آخر میں ہم سب پاکستانی ہیں، احترام قائم رہنا چاہیے، ایک دوسرے کو سننے کی برداشت پیدا کرنی چاہیے‘

تم جیتو یا ہارو
سنو!
ہمیں تم سے پیار ہے
مسلم لیگ(ن)

— Hina Parvez Butt (@hinaparvezbutt) July 17, 2022

حنا پرویز بٹ نے اس مشکل وقت میں اپنی جماعت کے ساتھ اظہارِ یکجہتی کرتے ہوئے یہ بھی کہا ہے کہ ’تم جیتو یا ہارو سنو! ہمیں تم سے پیار ہے، مسلم لیگ (ن)‘۔

یاد رہے کہ 14 جولائی کو حنا پرویز بٹ کی جانب سے  ایک ویڈیو شیئر کی گئی تھی جس میں انہوں نے عمران خان کو روندو بچہ کہا تھا۔

مجھے Suggest کریں، چھوٹے روندو بچے عمران خان کے لیے کیا گفٹ لوں؟

چھوٹی بچی فرح گوگی کے لئے تو میں نے Barbie Doll لے لی ہے۔ pic.twitter.com/zZ1SAobH6G

— Hina Parvez Butt (@hinaparvezbutt) July 14, 2022