ترکیہ کے صدر رجب طیب اردگان سعودی عرب پہنچ گئے

(خالد چیمہ)ترکیہ کے صدر رجب طیب اردگان خلیجی ممالک کے دورے کے پہلے مرحلے میں سعودی عرب پہنچ گئے جہاں ان کا پرتپاک استقبال کیا گیا ہے ۔

سعودی عرب کے ساحلی شہر جدہ پہنچنے پر ترکیہ کے صدر رجب طیب اردگان کا استقبال ڈپٹی گورنر مکہ مکرمہ نے کیا جبکہ وزیر خارجہ شہزادہ فیصل بن فرحان بھی موجود تھے، ترکیہ کے صدر رجب طیب اردگان سعودی قیادت سے ملاقات بھی کریں گے ،جبکہ دونوں ممالک کے درمیان باہمی شراکت داری کے منصوبوں کے معاہدے اور دو طرفہ تعلقات کو فروغ دینے سمیت دیگر امور پر بھی گفتگو کی جائے گی ،رجب طیب اردگان اپنے تین روزہ خلیجی ممالک کے دورے کے پہلے مرحلے میں سعودی عرب پہنچے ہیں۔

یہ بھی پڑھیں: ایک اور بڑی وکٹ گرنے کو تیار،سابق وزیراعلیٰ نے بھی پارٹی چھوڑنے کا اشارہ دیدیا