(24نیوز)تحریک انصاف کے سابق رکن اسمبلی عدیل احمد کو احاطہ عدالت سے گرفتارکرلیا گیا۔
کراچی کی عدالت میں سانحہ 9 مئی کے 3 مقدمات کی سماعت ہوئی، حلیم عادل شیخ، راجہ اظہر اور دیگر ملزم عدالت میں پیش ہوئے، عدالت نے پی ٹی آئی کے سابق رکن سندھ اسمبلی عدیل احمد کوگرفتار کرنے کا حکم دیدیا، عدالت نے عدم پیشی پر ملزم کی ضمانت منسوخ کردی تھی۔
پولیس نے عدالتی احکامات پر عدیل احمد کو گرفتار کر لیا، عدالت نے سانحہ 9 مئی کے تین مقدمات کی سماعت 5اگست تک ملتوی کر دی۔ پولیس کے مطابق ملزمان کے خلاف ٹیپو سلطان اور فیروز آباد تھانے میں 3مقدمات درج ہیں۔
یہ بھی پڑھیں: کراچی میں دو روز میں 30لاشیں برآمد، مرنے والوں میں زیادہ تر کون شامل؟اہم بیان آ گیا