کراچی کنگز نے اہم میچ میں لاہور قلندرز کو 7 رنز سےشکست دیدی
Stay tuned with 24 News HD Android App
(24 نیوز)ابوظہبی کے زید سٹیڈیم میں کھیلے جانیوالے پی ایس ایل کے ایک اہم میچ میں کراچی کنگز نے لاہور قلندرز کو7 رنز سے شکست دے دی۔
تفصیلات کے مطابق پی ایس ایل کے 27ویں میچ میں کراچی کنگز نے ٹاس جیت کر پہلے بیٹنگ کا فیصلہ کیا اور لاہور کو جیت کے لیے 177رنز کا ہدف کا دیا۔ٹارگٹ کے تعاقب میں لاہور قلندرز کا آغاز جارحانہ تھا، محمد حفیظ، ٹم ڈیوڈ، جیمز فولکنر اور کپتان سہیل اختر نے اچھا کھیل پیش کیا۔ تاہم لاہور قلندرز مقررہ 20 اوورز میں7 وکٹوں کے نقصان پر 169 رنز بنا سکی۔محمد حفیظ نے 36 گیندوں پر 36 رنز بنائے،ٹم ڈیوڈ نے 34 رنز کی اننگ کھیلی جبکہ جیمز فولکنر نے 33 رنز بنائے۔کراچی کنگز کے بالروں نور احمد اور محمد الیاس نے2، 2 وکٹ لئےجبکہ عماد وسیم اور عباس آفریدی نے ایک ایک وکٹ اڑائی۔
یہ بھی پڑھیں: تربت ایئرپورٹ پر دہشتگردوں کا حملہ، نائیک عقیل عباس شہید