وزیراعلیٰ بلوچستان کی اسمبلی آمد، اپوزیشن ارکان کا حملہ، بوتلیں اور جوتے پھینک مارے گئے

(24 نیوز)وزیراعلیٰ جام کمال کی بلوچستان اسمبلی آمد پر اپوزیشن احتجاج میں شدت آگئی، اپوزیشن ارکان نے جام کمال پر حملہ کردیا، اپوزیشن ارکان نے وزیراعلیٰ بلوچستان کی طرف بوتلیں اور جوتے پھینکے۔
تفصیلات کے مطابق بلوچستان اسمبلی میں آئندہ مالی سال کے بجٹ کے حوالے سے منعقدہ اجلاس تاحال شروع نہ ہوسکا، اجلاس کا انعقاد چار بجے ہونا تھا۔ بلوچستان اسمبلی کے احاطے میں اپوزیشن ارکان اور پولیس آمنے سامنے آ گئے، بی این پی کے رکن احمد نواز اسمبلی میں داخل ہو رہے تھے تو پولیس کی جانب سے انہیں روکا گیا جس پر پولیس اور اپوزیشن ارکان میں تلخ کلامی اور دھکم پیل شروع ہو گئی۔

بلوچستان اسمبلی میں جعلی وزیر اعلیٰ جام کمال کو جوتے پڑ گئے pic.twitter.com/WEjfNIugho

— Ch Talib Jutt (@ChTalib227) June 18, 2021

 اجلاس میں تاخیر کی وجہ یہ سامنے آئی ہے کہ اپوزیشن ارکان کا اسمبلی کے اندر اور باہر احتجاج جاری ہے اور ارکان نے اسمبلی کے مین گیٹ پر احتجاجی کیمپ لگا کر دھر نا دے رکھا ہے۔اپوزیشن ارکان نے پولیس کے رویئے کے خلاف اسمبلی بلڈنگ کے انٹری پوائنٹ پر بیٹھ کر احتجاج کیا اور حکومت کے خلاف نعرے بازی کی۔ بلوچستان اسمبلی کی اپوزیشن جماعتیں بجٹ میں انکے حلقوں کو نظر انداز کرنے پر سراپا احتجاج ہیں اور متحدہ اپوزیشن کا بلوچستان اسمبلی کے سامنے احتجاجی کیمپ گزشتہ چار روز سے جاری ہے۔
وزیراعلیٰ بلوچستان جام کمال اسمبلی پہنچ گئے،وزیراعلیٰ جام کمال کی آمد پر اپوزیشن احتجاج میں شدت آگئی ،وزیراعلیٰ بلوچستان پر اپوزیشن ارکان نے حملہ کردیا،اپوزیشن ارکان نے وزیراعلیٰ جام کمال کی طرف بوتلیں اور جوتے پھینکے،وزیراعلیٰ جام کمال کو پولیس حصار میں بلوچستان اسمبلی پہنچایا گیا۔

یہ بھی پڑھیں: بلوچستان کا بجٹ پیش نہ ہو سکا ۔۔ اپوزیشن نے گیٹ کو تالے لگا دیئے۔۔شدید ہنگامہ