کورونا وبا۔۔۔ حضرت مادھو لعل حسینؒ کے عرس کی تقریبات منسوخ ، میلہ چراغاں بھی نہیں ہوگا
Stay tuned with 24 News HD Android App
(24نیوز) کورونا وبا کی وجہ سے معروف روحانی شخصیت حضرت مادھو لعل حسین رحمتہ اللہ علیہ کے سالانہ عرس کی تقریبات منسوخ کردی گئیں۔
تفصیلات کے مطابق کورونا وائرس کی تیسری لہر میں کیسز بڑھنے کی وجہ سے میلہ چراغاں کو منسوخ کردیا گیا ۔ میلہ چراغاں کی تقریبات معروف روحانی شخصیت حضرت مادھو لعل حسین رحمتہ اللہ علیہ کے سالانہ عرس کی تقریبات سے منسوب ہیں۔
محکمہ اوقاف و مذہبی امور پنجاب کے شیڈول کے مطابق عرس تقریبات ستائیس، اٹھائیس اور انتیس مارچ کو ہونا تھیں تاہم محکمہ صحت نے اٹھائیس مارچ تک مزارات کو بند کر رکھا ہے۔ذرائع کا کہنا تھا کہ محکمہ صحت کی جانب سے جاری نوٹیفکیشن میں ترمیم کی صورت میں تقریبات منعقد کی جا سکتی ہیں تاہم موجودہ حالات کے مطابق میلہ چراغاں نہیں ہوگا۔