عمران خان کے قافلے میں شامل گاڑیوں کو حادثہ، 3 افراد زخمی
Stay tuned with 24 News HD Android App
(24 نیوز) چیئرمین پی ٹی آئی عمران خان کے قافلے میں شامل تین گاڑیوں کو حادثے میں ایک گاڑی الٹ گئی۔ واقعے میں 3 افراد زخمی ہوگئے۔
سابق وزیراعظم عمران خان کے قافلے میں شامل تین گاڑیوں کو حادثہ تیز رفتاری کے باعث کلر کہار کے مقام پر پیش آیا۔ متاثرہ گاڑیوں میں حافظ آباد کے کارکن سوار تھے۔
گزشتہ روز عمران خان نے زمان پارک میں کارکنوں سے خطاب کرتے ہوئے کہا کہ اسلام آباد عدالت میں پیش ہونے کے بعد اتوار کے روز کارکنان جلسہ کی تیاری کریں، پیر کے روز مینار پاکستان جلسہ کریں گے۔
چیئرمین پی ٹی آئی کا کہنا تھا کہ تحریک انصاف پہلے بھی کئی بار مینار پاکستان بھر چکی ہے، پیر کے روز بھی جلسہ کر کے مینار پاکستان کا گراؤنڈ بھریں گے۔
سابق وزیراعظم نے مزید کہا کہ سب آئیں، تاکہ اپنے بچوں کو بتاسکیں کہ سب سے بڑے جلسے میں آپ موجود تھے، باقی پارٹیوں نے بھی مینار پاکستان جلسے کیے مگر اسکا گراؤنڈ نہ بھر سکیں۔